ბაიერნის ფეხბურთელები ხელფასებს 20 პროცენტით იმცირებენ, ბუნდესლიგა 30 აპრილამდე არ განახლდება

"ბაიერნის" ფეხბურთელებმა თანხმობა განაცხადეს, ხელფასები 20 პროცენტით შეიმცირონ კორონავირუსით გამოწვეული კარანტინის პირობებში. "სქაი სპორტის" ინფორმაციით, ეს არის საუკეთესო გამოსავალი იმისთვის, რომ კლუბს არ მოუწიოს სხვა თანამშრომლების დათხოვნა.

ამას გარდა, ბევრი მოთამაშე მზადაა თანხები გადარიცხოს სპეციალურად შექმნილ ფონდ We Kick Corona-ს ანგარიშზე. მანამდე, რობერტ ლევანდოვსკიმ და მისმა მეუღლემ ვირუსის წინააღმდეგ ბრძოლისთვის 1 მილიონი ევრო გაიღეს, ხოლო ჯოშუა კიმიხმა და ლეონ გორეტცკამ (რომლებმაც We Kick Corona დააარსეს) 500-500 ათასი გადარიცხეს, რაზეც უკვე ვწერდით.

და კიდევ ერთი ინფორმაცია გერმანიიდან. ბუნდესლიგის ხელმძღვანელობის გადაწყვეტილებით, ქვეყნის ჩემპიონატი, ყველა დონეზე, 30 აპრილამდე არ განახლდება.

309
მკითხველის კომენტარები / 0 /
მსგავსი ამბები
რუბრიკის სხვა სიახლეები
;