ბაიერნი ჩაკვეტაძეს მიუბრუნდაო. გაუძლებს გენტი ცდუნებას?

ევროპული მედია კვლავ ეხმაურება გიორგი ჩაკვეტაძის თემას. როგორც გერმანული ინტერნეტგამოცემა sport.de წერს, "ბაიერნი" აპირებს კიდევ ერთხელ მიმართოს "გენტს" ქართველი ტალანტის ყიდვის წინადადებით.

"რეკორდმაისტერმა" ეს ერთხელ უკვე გააკეთა, როცა ჩაკვეტაძე თბილისის "დინამოდან" ბელგიურ კლუბში ახალი გადასული იყო. თუმცა "გენტის" უფროსობას მაშინ 6 მილიონი ევრო (თავად 1.5 მილიონ ევროდ იყიდეს "დინამოსგან") ეცოტავა, მით უმეტეს, ჩაკვეტაძეში ისინი უფრო მომავლის ფეხბურთელს ხედავენ და მასში გაცილებით მეტის გამომუშავებას გეგმავენ.

თუმცა არ არის გამორიცხული, "გენტმა" ცდუნებას ვერ გაუძლოს და საქართველოს ნაკრების ახალი ლიდერის ბოლო დროინდელი წარმატების კვალდაკვალ, დათანხმდეს მასში თუნდაც 10 მილიონი ევროს (ამ თანხას ასახელებენ სწორედ ცალკეული გამოცემები) აღებას.

რაც შეეხება "ბაიერნს", ფაქტია, მიუნხენურ გიგანტს უკვე უდგას დღის წესრიგში ფრანკ რიბერისა და არიენ რობენის შეცვლის საკითხი. შეიძლება გადაჭარბებაში ჩაგვითვალოთ, მაგრამ ნუ გავმორიცხავთ, იქ ული ჰიონესი და კარლ-ჰაინც რუმენიგე უკვე ფიქრობენ რომელიმე მათგანის ჩაკვეტაძით ჩანაცვლებაზე. 

ცნობილია, რომ ქართული ფეხბურთის ვარსკვლავს "ბარსელონა" ("მარკას" ინფორმაციით, კატალონიური გრანდის სკაუტები თბილისშიც ბრძანდებოდნენ და ყაზახეთთან ჩაკვეტაძის ბენეფისიც ნახეს), "ტოტენჰემი", "ბორნმუთი" და "შახტარი" უპირებენ გადაბირებას.

ამ ზამთარს რა მოგახსენოთ და, მაგრამ მომავალი წლის ზაფხულში კი შეიძლება დიდი ქართული ტრანსფერის მოწმენი გავხდეთ.

2578
მკითხველის კომენტარები / 3 /
pele
0
ადმინ რატო შლი ჩემს კომენტარებს? რადგან თქვენზე 2 დღით ადრე მააქვს ინფორმაცია, რომ ჩაკვეტაძე უკვე იყიდა ბარსამ 21 მილიონად 2 დღის წინ
შელიკა
0
საიდან მოიტანეთ ეს ინფორმაცია?
19:02 2018.11.26
pele
0
უკვე იყიდა ბარსამ 21 მილიონად ჩაკვე და იანვრიდან გადავა ბარსაში
მსგავსი ამბები
რუბრიკის სხვა სიახლეები
;