ბაიერნი ჰავერტცის 40 მილიონს შესთავაზებს...

მიუნხენის „ბაიერნის“ ხელმძღვანელობა აქტიურად მუშობს „ლევერკუზენიდან“ 20 წლის კაი ჰავერტცის ტრანსფერზე - ამის შესახებ გერმანელი ჟურნალისტი ნიკოლო სკირა საკუთარი „ტვიტერის“ გვერდზე წერს. წყაროს ინფორმაციით, მიუნხენელები მზად არიან ჰავერტცის  ზაფხულში 5-წლიანი კონტრაქტი შესთავაზონ და წელიწადში 8 მილიონი ევრო გადაუხადონ.

შეგახსენებთ, რომ კაი ჰავერტცი „ლევერკუზენის“ აღზრდილია. მიმდინარე სეზონში მან ლევერკუზენელთა შემადგენლობაში 22 შეხვედრაში მიიღო მონაწილეობა (ყველა ძირითადში), 6 გოლი გაიტანა და 5 საგოლე პასი შეასრულა. ახალგაზრდა ტალანტმა 5 შეხვედრა ჩემპიონთა ლიგაზეც ჩაატარა.

კაი ჰავერტცის კონტრაქტი „ლევერკუზენთან“ 2022 წლის ზაფხულამდეა ძალაში.

272
მკითხველის კომენტარები / 0 /
მსგავსი ამბები
რუბრიკის სხვა სიახლეები
;