ბაკარი სანიას LoveStory. როგორ გამოგლიჯეს ბაკარიმ და სამოდელო სააგენტოებმა ლუდივინი კალათბურთს

მედიაში ხშირად ნახავთ სხვადასხვა ტიპის გამოკითხვებს ან ერთგვარ აღლუმებს, რომელშიც ამა თუ იმ კლუბის, გუნდის, ან ლიგის ფეხბურთლების ცოლებს გარეგნობის მიხედვით ათეულებად, თუ ოცეულებად ახარისხებს.

"ტოპ 10"-ში, 20, თუ 30-ში ძალიან ხშირად შეხვდებით ისეთ ქალბატონებს, რომელთა ქმრები საუკეთესო ფეხბურთელების (ცხადია საშემსრულებლო ოსტატობით) გამოკითხვებში ადგილს თითქმის ვერასოდეს პოულობენ, მათი ცოლები კი თავისი გარეგნობით საუკეთესოთა სიას თითქმის არასოდეს ტოვებენ.

ენრიკე იგლესიასისა და ანა კურნიკოვას LoveStory: პაპაჩემი 80 წლისა გარდაიცვალა, მისი ცოლი ორსულად იყო...

ლუდივინ კადრის ვერცერთი გამოცემა აკადრებს ფეხბურთელების ცოლების ტოპ 10-ში ვერ მოხვედრას.

ჩინებული გარეგნობის ეს დიდგულა ქალბატონი ბაკარი სანიას ერთგული ცოლია. თუმცა მას კადრით უკვე ნაკლებად ცნობენ. დიდი ხანია, რაც იგი სანიას ცოლი და მისივე გვარის მატარებელი გახდა.

ბაკარის და ლუდივინის ბავშვობამ 80-იანი წლების ოსერის ქუჩებში ჩაიარა. საფრანგეთის ულამაზესი რეგიონის - ბურგუნდიის ამ ქალაქში დაიბადა ლუდვინ კადრი, იქამდე ხუთი წლით ადრე კი ქვეყანას ოსერთან ახლოს მდებარე ქალაქ სენსში ბაკარი სანია მოევლინა.

მომავალმა ფეხბურთელმა კარიერის ასაწყობად სწორედ ოსერი შეარჩია. კლუბი, რომლის დიდ გუნდსაც ლეგენდარული გი რუ ედგა სათავეში და 1996 წელს საფრანგეთის ჩემპიონის ტიტულიც მოაპოვებინა. თუმცა საჩემპიონო სეზონისას სანია ჯერ სულ ბავშვი იყო და მშობლიური სენსის ასაკობრივ გუნდში აგორებდა ბურთს. "ოსერში" 1998 წელს გადავიდა. დიდ გუნდში კი 2002 წელს მიიწვიეს.

ცოტა ხანში ფეხბურთელმა მშვენიერი ლუდივინი გაიცნო. გოგონა ჯერ მხოლოდ 14 წლის გახლდათ და როგორც ამბობს თავისი პირველი და ერთადერთი სიყვარული სწორედ სანიაა.

"ფეხბურთის მიმართ გულგრილი არასოდეს ვყოფილვარ, რადგან ჩემი ძმა და მამა სპორტის ამ სახეობის დიდი ქომაგები არიან. შესაბამისად ბავშვობიდან ფეხბურთის შესახებ საუბრები მუდამ მესმოდა. ოჯახის წევრები რასაკვირველია "ოსერს" ქომაგობდნენ" - ამბობს მშვენიერი ქალბატონი.

ივან რაკიტიჩის LoveStory. მე არ ვიყო ივანი, ეს ოფიციანტი ცოლად თუ არ მოვიყვანე!

სხვათა შორის მშვენიერი რომ იყო, იმიტომაც არ მისცეს საშუალება სამოდელო სააგენტოებმა, რომ კალათბურთის გუნდში დიდხანს ეთამაშა. მათ იქიდან ლუდივინი გამოიტაცეს და ფოტოაპარატების წინ დააყენეს.

ცალკე გოგონა და ცალკე ვაჟი თავიანთ კარიერას წარმატებით ჭედდნენ. 2007 წელს ის დრო დადგა სანიას თოფიანებმა რომ მიაკითხეს და ლონდონში გადასვლაზე დაითანხმეს. მან "არსენალის" ფორმა ჩაიცვა, ლუდივინი კი ლონდონური სამოდელო სააგენტოების "ხელში ჩავარდა".

მიუხედავად ერთად ცხოვრებისა წყვილმა ქორწილი არ იჩქარა. 2009 წელს ვაჟი ელიასი შეეძინათ, 2010 წელს კი დაოჯახდნენ. ლუდივინმა ბაკარის 2013 წელს მეორე შვილიც აჩუქა და სახელად "კაი" დაარქვა, რის შემდეგაც დედმამიშვილებს აღარავინ შემატებიათ.

საინტერესოა, რომ ქალს ლონდონი და "არსენალი" იმდენად უყვარდა, რომ გულიდან ვეღარ ამოიღო. არადა, მისი მეუღლე 2014 წლიდან "მანჩესტერ სიტის" წარმატებებისთვის ირჯებოდა, 2018 წლიდან კი ამერიკაშია და "მონრეალ იმპაკტისთვის" ირჯება. ოღონდ ამბობენ, რომ ლუდივინი შინაგანად თურმე ისევ "მეთოფეებს" ქომაგობს.

არც ბაკარის ღალატობს და არც იმ კლუბს, სადაც ბაკარი ყველაზე ბედნიერი და კარიერის ზენიტში იყო.

8350
მკითხველის კომენტარები / 2 /
ფუუუუუუუუუუუუუუუუუუ
0
ფუუუუუუუუუუუუ
მავრი
0
ამ ქალს კაი გაძლება ქონია...შავი ნაყვარება ნამეტანი))))))
მსგავსი ამბები
რუბრიკის სხვა სიახლეები
;