ბარნლი ლიგის ზონაში, დორტმუნდიც... [VIDEO]

შუა კვირას, ინგლისის პრემიერლიგაში მე-17 ტური დაიწყო. სამშაბათს, გრანდებიდან მხოლოდ "ჩელსიმ" ითამაშა და წინა ტურში "ვესტ ჰემთან" მარცხის შემდეგ, ჯავრი "ჰადერსფილდზე" იყარა, რომელსაც სამჯერ გაუტანა და ერთი თავადაც გაუშვა ბოლო წამებზე. ლონდონელთა სამივე გოლში ვილიანმა მიიღო მონაწილეობა - 1+2.

"ბარნლიმ" ბოლო ოთხ მატჩში მესამედ მოიგო და ამ გუნდს ტოპ-ოთხეულში ვხედავთ, ხოლო "უოტფორდთან" 89-ე და 92-ე წუთებზე გატანილი გოლებით,

"კრისტალ პალასმა" არა მხოლოდ ბოლო ადგილს, არამედ გასავარდ ზონას დააღწია თავი. ეს გუნდი ექვსი მატჩია, არ მარცხდება.

ტური დაიწყო გერმანიაშიც, სადაც, როგორც იქნა, შეწყვიტა მოუგებელი სერია "დორტმუნდმა", რომელიც რვა მატჩი გამარჯვების გარეშე იყო ბუნდესლიგაში."ბორუსიას" მწვრთნელის შეცვლამ უშველა - პეტერ ბოში პეტერ შტიოგერმა შეცვალა და დორტმუნდელებმა ორი უპასუხო გოლი გაუტანეს "მაინცს".

შტიოგერს დიდად არ გადაუხალისებია შემადგენლობა - დაცვის ხაზი შეცვალა (ეს იყო მე-11 განსხვავებული კვარტეტი 16 მატჩში) და ვაიგლი დააყენა ძირითადში.

როგორც ჩანს, ეს იყო მთავარი ფაქტორი, რადგან "მაინცმა" 90 წუთი ისე ჩაატარა, რომ კარში ზუსტად არ დაურტყამს. "დორტმუნდმა" ერთბაშად მეოთხე ადგილზე გადაინაცვლა.

ინგლისი პრემიერლიგა. XVII ტური

ბარნლი - სტოკი 1:0
გოლი: 1:0 ბარნსი (89)

კრ. პალასი - უოტფორდი 2:1
გოლები: 0:1 იანმაატი (3), 1:1 საკო (89), 2:1 მაკარტური (90+2)
გაძევება: კლევერლი (87. უოტფორდი)

ჰადერსფილდი - ჩელსი 1:3
გოლები: 0:1 ბაკაიოკო (23), 0:2 ვილიანი (43), 0:3 პედრო (50), 1:3 დეპუატრი (90+2)

ბომბარდირები: 13 - მოჰამედ სალაჰი (ლივერპული); 12 - ჰარი კეინი (ტოტენჰემი); 9 - სერხიო აგუერო (მანჩესტერ სიტი), რაჰიმ სტერლინგი (მანჩესტერ სიტი), ალვარო მორატა (ჩელსი); 8 - გაბრიელ ჟეზუში (მანჩესტერ სიტი), რომელუ ლუკაკუ (მანჩესტერ იუნ), ალექსანდრ ლაკაზეტი (არსენალი), უეინ რუნი (ევერტონი).

ოთხშაბათი, 13 დეკემბერი

ნიუკასლი-ევერტონი 23:45
საუთჰემპტონი-ლესტერი 23:45

სუონსი-მანჩესტერ სიტი 23:45
ლივერპული-ვესტ ბრომვიჩი 23:59

მანჩესტერ იუნ-ბორნმუთი 23:59
ტოტენჰემი-ბრაიტონი 23:59
ვესტ ჰემი-არსენალი 23:59

გერმანია ბუნდესლიგა. XVI ტური

ვოლფსბურგი-ლაიპციგი 1:1

გოლები: 1:0 ვერჰაეგი (15-პენ), 1:1 ჰალშენბერგი (52)
 გაძევება: უპამეკანო (90+2. ლაიპციგი)

ფრაიბურგი-გლადბახი 1:0
გოლი: 1:0 პეტერსენი (20-პენ)

ჰამბურგი-აინტრახტი 1:2
გოლები: 1:0 პაპადოპულოსი (9), 1:1 ვოლფი (16), 1:2 გაჩინოვიჩი (24)

მაინცი - დორტმუნდი 0:2
გოლები: 0:1 პაპასტატოპულოსი (55), 0:2 კაგავა (89)


ბომბარდირები: 14 - რობერტ ლევანდოვსკი (ბაიერნი); 12 - პიერ-ემერიკ ობამეიანგი (დორტმუნდი); 9 - კევინ ფოლანდი (ლევერკუზენი); 8 - ტიმო ვერნერი (ლაიპციგი), ალფრედ ფინბოგასონი (აუგსბურგი).

ოთხშაბათი, 13 დეკემბერი

ჰოფენჰაიმი-შტუტგარტი 21:30
ბაიერნი-კიოლნი 23:30

ჰერტა-ჰანოვერი 23:30
შალკე-აუგსბურგი 23:30
ლევერკუზენი-ვერდერი 23:30

იტალია სერია A. XVI ტური

ჯენოა-ატალანტა 1:2

ბომბარდირი: 16 - მაურო იკარდი (ინტერი); 15 - ჩირო იმობილე (ლაციო); 12 - პაულო დიბალა (იუვენტუსი); 10 - დრის მერტენსი (ნაპოლი); 9 - გონსალო იგუაინი (იუვენტუსი), ფაბიო კვალიარელა (სამპდორია); 8 - ედინ ჯეკო (რომა).

ყოველდღიური სპორტული გაზეთი "ლელო"
915
მკითხველის კომენტარები / 0 /
მსგავსი ამბები
რუბრიკის სხვა სიახლეები
;