ბარსელონამ რაშფორდი მოინიშნა

"ბარსელონა" ინტერესს გამოხატავს "მანჩესტერ იუნაიტედის" ფორვარდის მარკუს რაშფორდის შეძენით, - წერს ესპანური პრესა.

როგორც El Mundo Deportivo იტყობინება, "ბარსელონაში" ინგლისელ ფეხბურთელს შორეულ პერსპექტივაში ლუის სუარესის შემცვლელად განიხილავენ. კლუბის ხელმძღვანელობას მიაჩნია, რომ 32 წლის ურუგვაელმა უკვე გაიარა თავისი კარიერის პიკი და მას მალე დასჭირდება შემცვლელი.

სხვა კანდიდატებს შორის არიან - სერბი ლუკა იოვიჩი და ფრანგი ანტუან გრიზმანი. ამასთან, მითითებულია, რომ კატალონური კლუბის წარმომადგენლებს ძალიან მოსწონთ ინგლისელი ფეხბურთელის თამაში.

21 წლის რაშფორდმა ამ სეზონში 38 ოფიციალურ მატჩში მიიღო მონაწილეობა და 12 გოლი და ცხრა შედეგიანი პასი დააგროვა. მას "იუნაიტედთან" 2020 წლის ზაფხულამდე აქვს კონტრაქტი.

715
მკითხველის კომენტარები / 0 /
მსგავსი ამბები
რუბრიკის სხვა სიახლეები
;