ბარსელონას პრეზიდენტი: არ გავკოტრდებით!

ბარსელონას პრეზდენტი ხოსეპ მარია ბარტომეუ ირწმუნება, რომ კატალონიურ კლუბს გაკოტრების საფრთხე არ ემუქრება.

„მდგომარეობა მძიმეა. 14 მარტის შემდეგ კლუბს, ფაქტობრივად, არანაირი შემოსავალი არ აქვს. არ მუშობს მუზეუმი, არ გვაქვს შემოსავალი ტელეტრანსლციებიდან და ბილეთების გაყიდვიდან. ამ მდგომარეობიდან გამომდინარე, რა თქმა უნდა, არის ფინანსური დანაკარგები, მაგრამ შემიძლია გითხრათ, რომ კლუბი არ გაკოტრდება! სწორედ ამის თავიდან ასაცილებლად შევამცირეთ ფეხბურთელების ხელფასები.

ყევლაფერს ვაკეთებთ ამ მდგომარეობიდან უმტკივნეულოდ გამოსასვლელად. იმედია, სეზონი დაახლოებით ორ თვეში განახლდება. ჩვენს მიერ მიღებული ზომები არ არის სასოწარკვეთილების გამო გადადგმული ნაბიჯები. ნახავდით, რომ მსგავსი რამ ევროპის თითქმის ყველა წამყვანმა კლუბმა გააკეთა“ - განუცხადა ბარტომეუმ კატალონიის რადიოს.

363
მკითხველის კომენტარები / 0 /
მსგავსი ამბები
რუბრიკის სხვა სიახლეები
;