ბარსელონა მესის 10-წლიან კონტრაქტს უმზადებს

ესპანური რადიო Cadena Ser იუწყება, რომ „ბერსელონას“ ხელმძღვანელობა ლიონელ მესის ახალ კონტრაქტზე მუშაობს. ინფორმაციის თანახმად, ახალი ხელშეკრულება მინიმუმ 2022 წლამდეაა გათვალისწინებული. გარდა ამისა, კატალონიური გრანდის თავკაცები აპირებენ 32 წლის არგენტინელს 10-წლიანი კონტრაქტი შესთავაზონ და შეეცდებიან, ფეხბურთელის კარიერის დასრულების შემდეგაც, მესი კვლავ „ბარსელონას“ ნაწილად და ერთგვარ სიმბოლოდ დარჩეს.

ლეო „ბარსას“ ძირითად გუნდში 2005 წლიდან ასპარეზობს. ამ ხნის განმავლობაში თავდამსხმელმა 692 მატჩში 604 გოლი გაიტანა და კლუბის საუკეთესო ბომბარდირი გახდა. მესის „ბარსასთან“ მოქმედი კონტრაქტი 2021 წლამდე აკავშირებს.

* * *

ამას გარდა კატალონური გრანდის ხელმძღვანელობა ურუგვაელი ფორვარდის ლუის სუარესის შემცვლელზე ფიქრობს. El Mundo Deportivo-ს ცნობით, „ბარსელონა“ მზადაა ტრანსფერში სოლიდური თანხა გადაიხადოს, მისი განხორციელების ვადები სუარესის თამაშზეა დამოკიდებული.

კატალონიელთა სატრანსფერო სამიზნეების სია ასე გამოიყურება: კილიან მბაპე (პსჟ), ჰარი კეინი (ტოტენჰემი), რობერტო ფირმინო (ლივერპული), მარკუს რაშფორდი (მანჩესტერ იუნაიტედი), ლაუტარო მარტინესი (ინტერი). სწორედ ამ ხუთეულიდან ერთ-ერთზე შეაჩერებენ არჩევანს კატალონიელთა თავკაცები სუარესის შემცვლელად და ეს ტრანსფერი იქნება „ბარსასთვის“ პრიორიტეტული უახლოეს პერიოდში.

ყოველდღიური სპორტული გაზეთი "ლელო"
279
მკითხველის კომენტარები / 0 /
მსგავსი ამბები
რუბრიკის სხვა სიახლეები
;