ბარსელონა-რეალი ისევ გადაიდება?

კატალონიის პოლიცია ითხოვს ლა ლიგაში „ბარსელონასა“ და „რეალის“ მატჩის გადადებას, რომელიც 18 დეკემბერს უნდა გაიმართოს. ამის შესახებ რამდენიმე ესპანურმა გაზეთმა დაწერა. შეგახსენებთ, რომ სეზონის პირველი „კლასიკო“ ერთხელ უკვე გადაიტანეს კატალონიაში საპროტესტო გამოსვლების გამო.

როგორც La Sexta წერს, ბარსელონას პოლიციას აქვს სერიოზული ეჭვი იმაზე, რომ ვერ შეძლებს მატჩის დღეს უსაფრთხოების უზრუნველყოფას. კერძოდ, არ იქნება საკმარისი თანამშრომლების რაოდენობა იმისთვის, რომ „რეალმა“ კატალონიის დედაქალაქში უსაფრთხოდ გაიაროს მთელი მარშრუტი.

გარდა ამისა, რეგიონის დამოუკიდებლობის მომხრეებს სურთ აქციის მოწყობა „კამპ ნოუსთან“ მატჩის დღეს.

352
მკითხველის კომენტარები / 0 /
მსგავსი ამბები
რუბრიკის სხვა სიახლეები
;