ბასილაშვილის ბოლო რეპეტიცია როლან გაროსის წინ - ნიკა ლიონში პირველია

რომის „მასტერსის“ შემდეგ, პროფესიონალ ჩოგბურთელთა ასოციაციამ განახლებული რეიტინგი გამოაქვეყნა.

უცვლელი დარჩა ქართველი ნიკოლოზ ბასილაშვილის პოზიცია - ის კვლავ მსოფლიოს მე-18 ჩოგანია. შეგახსენებთ, რომ ბასილაშვილმა რომის „მასტერსზე“ ორი წრე გაიარა (დაამარცხა მარტონ ფუჩოვიჩი და ლასლო ჯერე) და მერვედფინალში დამარცხდა მომავალ ჩემპიონ რაფაელ ნადალთან.

თავად ნადალი დარჩა მეორე პოზიციაზე. ახალ რეიტინგში პირველი ხუთეული უცვლელია, მეექვსე პოზიციაზე კი სტეფანოს ციციპასი გადავიდა, რაც მისი კარიერის ახალი რეკორდია.

განახლებული კლასიფიკაციის ტოპ-ათეული ასე გამოიყურება:

ATP. TOP10
1(1). ჯოკოვიჩი (სერბეთი) - 12 355
2(2). ნადალი (ესპანეთი) - 7 945
3(3). ფედერერი (შვეიცარია) - 5 950
4(4). ტიმი (ავსტრია) - 4 845
5(5). ა. ზვერევი (გერმანია) - 4 155
6(7). ციციპასი (საბერძნეთი) - 4 080
7(6). ნიშიკორი (იაპონია) - 3 860
8(8). ანდერსონი (ს. აფრიკა) - 3 745
9(9). დელ პოტრო (არგენტინა) - 3 235
10(11). ისნერი (აშშ) - 2 940

ნიკოლოზ ბასილაშვილი როლან გაროსის წინ ბოლო რეპეტიციას ლიონში ATP250-ის ტურნირზე გაივლის.

ბასილაშვილი საფრანგეთის ქალაქში პირველ ნომრად არის განთესილი და პირველი წრიდან თავისუფალია. მეორე რაუნდში კი მას მოელის შეხვედრა ნაკლებად ცნობილ ფრანგთან ტრისტან ლამასენთან, რომელიც კვალიფიკაციიდან ძირითად ბადეში ვერ მოხვდა, მაგრამ ტრავმირებული ყაზახის მიხაილ კუკუშკინის ადგილი დაიკავა და გუშინ მოუგო პირველი წრე იტალიელ იანიკ სინერს - 6:0, 7:6(5).

ბასილაშვილის გარდა, ლიონში განთესილები არიან: რობერტო ბაუტისტა-აგუტი (ესპანეთი, 2), დენის შაპოვალოვი (კანადა, 3), ფელის ოჟე-ალიასიმი (კანადა, 4), დუშან ლაიოვიჩი (სერბეთი, 5), რიშარ გასკე (საფრანგეთი, 6), პიერ-უგ ერბერი (საფრანგეთი, 7), ჰუბერტ იურკაში (პოლონეთი, 8).

ბასილაშვილს შარშან არ უთამაშია ლიონის ტურნირში, ასე რომ, მას სარეიტინგო ქულები არ აქვს დასაცავი. 2018 წელს, ეს ტურნირი ავსტრიელმა დომინიკ ტიმმა მოიგო, რომელმაც ფინალში ფრანგი ჟილ სიმონი დაამარცხა. 

ყოველდღიური სპორტული გაზეთი "ლელო"
1107
მკითხველის კომენტარები / 0 /
მსგავსი ამბები
რუბრიკის სხვა სიახლეები
;