ბასილაშვილი პარიზში: პირველ წრეში ალბოტი, შემდეგ უკვე ფედერერი

28 ოქტომბრიდან სტარტს აიღებს ATP-ის წლის ბოლო მასტერსის ტურნირი პარიზში, რომელშიც ქართველი ნიკოლოზ ბასილაშვილიც ითამაშებს.

გარკვეულია ნიკას პირველი მეტოქე ამ ტურნირზე. 28 ოქტომბერს, 14 საათზე (დრო შეიძლება შეიცვალოს) ქართველი ჩოგბურთელი მოლდოველი რადუ ალბოტს დაუპირისპირდება. მოლდოველი ბასილაშვილისთვის უცხო ნამდვილად არ არის. ისინი აქამდე 4-ჯერ შეხვედრიან ერთმანეთს და ოთხივე შემთხვევაში გამარჯვება ქართველ ჩოგბურთელს დარჩა. სულ ბოლოს ბასილაშვილი და ალბოტი ერთმანეთს ცოტა ხნის წინ შანხაიში შეხვდნენ. ქართველ ჩოგბურთელს სამი სეტი დასჭირდა გამარჯვების მოსაპოვებლად - 4:6, 6:1, 6:2.

ალბოტთან მოგების შემთხვევაში, მეორე წრეში ბასილაშვილის მეტოქე ლეგენდარული როჯერ ფედერერი იქნება, რომელიც პირველ წრეში თამაშისგან თავისუფალია, შეჯიბრებაში პირდაპირ მეორე წრიდან ჩაერთვება და იმედია, მისი მეტოქე სწორედ ქართველი ჩოგბურთელი იქნება.

715
მკითხველის კომენტარები / 0 /
მსგავსი ამბები
რუბრიკის სხვა სიახლეები
;