ბასილაშვილი ჯოკოვიჩისკენ დაიძრა. პირველი გამარჯვება დოჰას ტურნირზე

ყატარის დედაქალაქ დოჰაში ATP-ს საახალწლო ტურნირი დაიწყო, რომლის პირველ წრეში (1/16 ფინალი) ნიკოლოზ ბასილაშვილი (21-ე რეიტინგში) ესპანელ ალბერტ რამოსს (65-ე რეიტინგში) გადაეყარა და სამ სეტში დაამარცხა. ქართველმა ჩოგანმა პირველი სეტი 6:1 მოიგო, მეორე სეტი ჩააგდო და ანალოგიური ანგარიშით დამარცხდა, თუმცა დასკვნით სეტში კვლავ 6:1 გაიმარჯვა და 1/8 ფინალში ანდრეი რუბლიოვსა და ანდრეას სეპის შორის გამარჯვებულს შეხვდება.

თუ ბასილაშვილი ამ ბარიერსაც დაძლევს, ხოლო ნოვაკ ჯოკოვიჩი თავის მატჩებს მოიგებს, ქართველისა და ლეგენდარული სერბის გზები 1/4 ფინალში გადაიკვეთება.

1162
მკითხველის კომენტარები / 0 /
მსგავსი ამბები
რუბრიკის სხვა სიახლეები
;