ბასილაშვილმა წყვილებში მოიგო და რევანშის შანსი ფუჩოვიჩთან!

მონტე-კარლოს მასტერსის ერთეულთა თანრიგში, ნიკოლოზ ბასილაშვილი გუშინ, სამწუხაროდ, პირველივე წრეში დამარცხდა უნგრელ მარტონ ფუჩოვიჩთან და ტურნირს ნაადრევად გამოეთიშა.

დღეს ქართველმა ჩობურთელმა ასპარეზობას წყვილთა თანრიგში დაიწყო და მოლდოველი რადუ ალბოტთან ერთად, სამხრეთაფრიკელი რავენ კლაასენისა და ბრიტანელი ჯო სალისბერის წყვილს დაუპირისპირდა.

პირველი სეტი ქართულ/მოლდოვური წყვილის უპირატესობით წარიმართა და საბოლოოდ მათივე გამარჯვებით დასრულდა 6:3.

მეორე სეტის სტარტზევე ბასილაშვილი/ალბოტის წყვილმა მეტოქის მოწოდების აღება მოახერხეს, თუმცა შემდეგ საკუთარი მოწოდება დათმეს და თანაბარი თამაში გაჩაღდა. მეტოქეები საკუთარი მოწოდებების აღებას ახერხებდნენ და საქმე ტაიბრეიკამდე მივიდა, რომელშიც კლაასენ/სალისბერის წყვილმა იმარჯვა და სეტებში ანგარიში გაათანაბრა.

საბოლოოდ მესამე, გადამწყვეტი სეტი და შესაბამისად, მატჩიც, ბასილაშვილი/ალბოტის წყვილმა მოიგო - 6:3, 6:7(5), 10:7 და მომდევნო ეტაპზე გავიდა.

იქ კი, ნიკას ფუჩოვიჩი-პელას  დუეტთან მოუწევს თამაში და რევანშის შანსი მიეცმა. შეგახსენებთ, რომ ერთეულთა თანრიგში ბასილაშვილმა სწორედ ფუჩვიჩთან დათმო.

817
მკითხველის კომენტარები / 0 /
მსგავსი ამბები
რუბრიკის სხვა სიახლეები
;