ბასილაშვილს ავსტრალიის ღიას წილისყრაში გაუმართლა

მელბურნში „დიდი სლემის“ პირველი ტურნირის ავსტრალიის ღია პირველობის ძირითადი ბადის წილისყრა შედგა.

აშკარად გაუმართლა მსოფლიოს მე-20 ჩოგანს, ქართველ ნიკოლოზ ბასილაშვილს. პირველ წრეში მისი მეტოქე კვალიფიკაციის ერთ-ერთი გამარჯვებული იქნება. პირველი რაუნდის მოგების შემთხვევაში, ბასილაშვილი მეორე წრეში არგენტინელ გვიდო ანდრეოცისა (80-ე ნომერი) და კვალიფიკაციაში გამარჯვებულს შორის მოგებულს შეხვდება.

პირველი განთესილი, რომელიც შეიძლება ბასილაშვილს შეხვდეს, ბერძენი სტეფანოს ციციპასია, რომელიც მე-14 ნომრად არის განთესილი. მათი სავარაუდო შეხვედრა მესამე წრეში შედგება.

ნიკოლოზ ბასილაშვილი ბადის იმ ნახევარში მოხვდა, რომელშიც მსოფლიოს მეორე და მესამე ჩოგნები - რაფაელ ნადალი და როჯერ ფედერერი არიან.

ყოველდღიური სპორტული გაზეთი "ლელო"
2738
მკითხველის კომენტარები / 0 /
მსგავსი ამბები
რუბრიკის სხვა სიახლეები
;