ბატონო ვაის, ეს უნდა დაინახოთ!.. რატომ არ უნდა ითამაშონ ნაკრებში ხარაიშვილმა და ზარანდიამ?!

საქართველოს ნაკრების მთავარ მწვრთნელ ვლადიმირ ვაისს კრიტიკოსები არ აკლია. კრიტიკა იყო მაშინაც, როცა ქვეყნის მთავარმა გუნდმა კარგად ითამაშა ერთა ლიგაზე და არის ახლაც, როცა შვეიცარიამ და ირლანდიამ სარკეში ჩაგვახედეს.

კრიტიკა ყველა დროსა და ეპოქაში ნორმალურია, როცა საქართველოს ნაკრებს ეხება საქმე, ოღონდ, თუ ჩასაფრებული ადამიანისგან არ მოდის, რომელიც დღენიადაგ მოუთმენლად ელოდება ვიღაცის ფეხის დაცდენას...

ვლადიმირ ვაისზე, როგორც მწვრთნელზე უკვე საკმარისად დავწერეთ და დავწერთ მომავალშიც, ვიდრე საქართველოს ნაკრების მწვრთნელი იქნება. მისი პლუს-მინუსები თვალწინაა და უკვე იმდენად ცხადად ჩანს ყველაფერი, ლამის ქვეყნის ეროვნული გუნდის ყველა შეხვედრის შემდეგ ერთისა და იმავეს გამეორება გვიწევს...

მაგრამ დღევანდელი ჩვენი წერილის თემა ეს სულაც არ არის. უფრო ზუსტად, მხოლოდ ვაისის ერთ ზნეზე უნდა დავწეროთ და ამ ზნეს “რისკის გამორიცხვა” ჰქვია. აქამდე ასე იყო: სლოვაკის ხელმძღვანელობით პრაქტიკულად ვერავინ “გაისროლა”, ვერავინ გახდა საქართველოს ნაკრებისთვის ფეხბურთელი-სიურპრიზი.

მავანი აქ გიორგი ჩაკვეტაძეს შემახსენებს, მაგრამ გავრისკავ და დავწერ - საქართველოს ნაკრებში გამოძახებისას ჩაკვეტაძე უკვე შემდგარი ფეხბურთელი იყო (ასაკის მიუხედავად) და ისიც შეუიარაღებელი თვალით ჩანდა, რომ მზად იყო საქართველოს ნაკრებში არა მხოლოდ კარგი თამაშების ჩასატარებლად, არამედ... გუნდის ლიდერობისთვისაც. სხვა თუ არაფერი, მთელი ქართული მედია ვაისს ჩაკვეტაძის ეროვნულ გუნდში გამოძახებას უკიჟინებდა.

დღეს ცოტა სხვა ვითარებაა. კი ბატონო, ამ დროისთვის ქართულ ფეხბურთს არ ჰყავს მოწიფულ ასაკში მყოფი სხვა “გიორგი ჩაკვეტაძე”, მაგრამ გვყავს ფეხბურთელები, რომელთაც შეუძლიათ, საქართველოს ნაკრებში ახალი სისხლი და მოტივაცია შეიტანონ.

მაგალითად, რა ზნის მწვრთნელიც უნდა იყოს ვაისი, უნდა დაინახოს, რომ შვედეთის ჩემპიონატის ზედიზედ მესამე შეხვედრაში გააქვს გოლი გიორგი ხარაიშვილს. ძალიან რთულ შვედურ ლიგაში ხარაიშვილი ერთ-ერთი გამორჩეული ფეხბურთელია და ნამდვილად უსამართლობა იქნება, თუ მას ვერ ვიხილავთ საქართველოს “შემდეგი მოწვევის” ნაკრებში.

მეტიც, საქმე იქითკენ მიდის, რომ თუ ხარაიშვილმა იგრძნო ნდობა და ისე ითამაშა საქართველოს ნაკრების შუა ხაზში, როგორც თამაშობს “გიოტებორგში”, მაშინ მას წლების განმავლობაში შეუძლია, იყოს საქართველოს ნაკრების ერთ-ერთი ლიდერი.

ვაისმა უნდა დაინახოს ლუკა ზარანდიას შესანიშნავი თამაში პოლონეთის ჩემპიონატში და მისი თვალისმომჭრელი დრიბლინგები. ყველამ ვიცით, საქართველოს ნაკრებს გიორგი ჩაკვეტაძე უახლოეს თამაშებში ვერ დაეხმარება. მის გარეშე და მასთან ერთად ჩვენი ეროვნული ნაკრები ორი სხვადასხვა რამაა.

ჩაკვეტაძის გარეშე საქართველოს ნაკრებს ძალიან აკლია ფანტაზია შეტევაში. მეტიც - მგონი, ის საერთოდ არ არის. მარტივია იმის მოფიქრება, რომ გამოსავალი ისეთი ფეხბურთელების სამზეოზე გამოყვანით უნდა ვიპოვოთ, რომლებიც მეტოქე ფეხბურთელს ატყუებენ.

ზარანდია ძალიან მაგარი მომტყუებელია. თან, ის უკვე აღარ არის პატარა ბიჭი, რომელსაც ხშირად უწუნებდნენ პროფესიონალიზმს. ლუკა ახლა ოპტიმალურ საფეხბურთო ასაკშია და შეუძლია, საქართველოს ნაკრებს სარგებლობა მოუტანოს.

დანარჩენი კი ვაისის გადასაწყვეტია. ვნახოთ, რას (უფრო სწორად - ვის) დაინახავს სლოვაკი მწვრთნელი და როგორ შემადგენლობას შემოგვთავაზებს ივნისის სანაკრებო მატჩებისთვის...

ყოველდღიური სპორტული გაზეთი "ლელო"
5473
მკითხველის კომენტარები / 4 /
რაჭველი
0
ვაისი არის ყველა წინა მწვრთნელებზე სუსტი
1) მან არ იცის შეტევის მომზადება და ამიტომ ათამაშებს
გუნდს სუსტი ცენტრალური თავდამსმელით ამას დიდი
მომზადება არ უნდა,ყველას ავალებს მიაწოდონ მას მაღალი ბურთები,იმ იმედით,რომ ის მოუგებს მაღალ და გამოცდილ მცველებს და გააკეთებს საგოლე პასს რაც 90%–სი არ გამოდის,ერთადერთი რითაც შეიძლება
ვაისის მომზადებულმა გუნდმა გოლი გაიტანოს ეს არის
მხოლოდ ჩაკვეტაძის ინდ.ოსტატობა.ნატელია რომ ჩაკვეტაძის გარეშე ის ასტანას დუბლებსაც კი ვერ მოუგებდა
2) მას 5 წლის განმავლობაში არ რაუკეთებია არცერთი
ტაკტიკურად გამართლებული შეცვლა,მას არა აქვს იმის
ცოდნა რომ სწორი შეცვლით გარდატეხა შეიტანოს თამაშში
3)რადგან აზრზე არ არის ან ეზარება გუნდის კომბინაციური თამაშის დამუშავება,ურჩევნია ათამაშოს
ძველი ხალხი ვიდრე ახალი და ძლიერი ფეხბურთელები
სხვანაირად ვერ ახსნის თუ რატომ არ ათამაშებს თავის
გუნდების ისეთ ლიდერებს როგორებიცაა გრიგალავა,
ხარაიშვილი,პარუნაშვილი,ზარანდია,ბეგლარიშვილი,ლობჟანიძე,მჭედლიშვილი,გაბედავა,რეხვიაშვილი,შენგელია.ხაბეიშვილი.კვარაცხელია,გველესიანი.წიტაიშვილი და
გუნდში იწვევს ისეთ ხალხს რომლებიც მეორე დონის
გუნდებში ძირითადშიც კი ვერ ხვდებიან
3) ვაისი გახლავთ მშიშარა და ეს ფეხბურთელებსაც გადაედოთ,რას გავდა ანანიძის თამაში–ერთი შეხებით უკან პასი,არცერთი კაცის მოტყუება,არც ერთი გამწვავება,ან რას აკეთებდა ირლანდიაში ლორია მას არცერთხელ არ შეუტანია ბურთი თამაშში–ხელით თუმცა მას ეს კარგად ეხერხება,ვაისის დავალებით სულ
ფეხით გამოქონდა და იწყებოდა მოწინააღმდირე გუნდის მორიგი შეტევა,ამიტომაც წავარეთ ის თამაში საკმაოდ დასუსტებულ გუნდთან.
4) მას არ აინტერესებს ჩვენი მომავალი,მან თავის დროზე არ მოიწვია ჯიქია როცა ის პერმში თამაშობდა და მაშინ ის უარს არ იტყოდა,ხოლო როდესაც მსოფლიოზე ტამაშის შანში გაუჩნდა რაღა თქმა უნდა
ამას ხელიდან ვერ გაუშვებდა.
არ მოიწვია 30 გოლის გამტანი ნახევარმცველი...ბეგლა
რიშვილი,თუმცა ესტონეთი რეიტინგით გვისწრებდა ახლა გვაკარგვიებს წიტაიშვილს
გამოსაკვლევია რატომ არაფერს აკეთებს ამ მხრივ ფედერაცია,თუ არ გაუშვეს ეს კაცი ბელორუსიასთანაც
წავაგებთ და მერე კალაძეც ვეღარ უშვილით
ავტანდილი
0
გაგებასჰი არ არის მგვრტნელობის მე მგონი ეს მცვრტნელი ტუ დავტოვეტ ბელორუსიც ადვილად მოგვიგებს
მსგავსი ამბები
რუბრიკის სხვა სიახლეები
;