ბაჩანა არაბულის გოლმა ბოლო წუთზე "ბალმაზივაროშს" სტუმრად მოაგებინა [VIDEO]

4 ნოემბერს, უნგრეთის ჩემპიონატის XV ტურის შეხვედრაში გატანილი გოლით გამოირჩა ბაჩანა არაბული. "ბალმაზივაროშის" ქართველმა თავდამსხმელმა სტუმრად "დიოშდიორთან" გამართული მატჩის მიწურულს 11-მეტრიანი გაიტანა და თავის გუნდს გამარჯვება მოუტანა - 2:1.

ბაჩანამ, რომელმაც შეუცვლელად ითამაშა, გოლი მსაჯის მიერ კომპენსირებულ მე-5 წუთზე გაიტანა. ქართველმა თავდამსხმელმა პენალტი თავად მოიპოვა - მისი თავურის შემდეგ მეტოქე მცველმა ხელით ითამაშა. შეხვედრა სრულად ჩაატარა "ბალმაზივაროშის" მეორე ქართველმა ლეგიონერმა ირაკლი მაისურაძემაც.

OTP ბანკ ლიგაში ჩატარებულ 15 მატჩში არაბულის ანგარიშზე 6 გოლია. რაც შეეხება მის გუნდს, "ბალმაზივაროში" 13 ქულით სატურნირო ცხრილში მე-10 ადგილზეა. მომდევნო ტურში კი, 18 ნოემბერს, "ჰალადაშს" დაუპირისპირდება.

404
მკითხველის კომენტარები / 0 /
მსგავსი ამბები
რუბრიკის სხვა სიახლეები