ბაჩო არაბული: მჯერა, ევროპის ჩემპიონატზე გასვლა შეგვიძლია!

საქართველოს ეროვნული ნაკრების ბოლო ორ ამხანაგურ მატჩში სხვებთან ერად ბაჩო არაბულმაც ითამაშა. უნგრული "ბალმაზივაროშის" შემტევმა, ვინც თავისი გუნდის გამოკვეთილი ლიდერია და უნგრეთის ჩემპიონატში ხშირად გააქვს. სამწუხაროდ, ესტონეთთან შეხვედრაში არაბულმა ტრავმა მიიღო და შეცვლაზე შესული ისევ შესაცვლელი გახდა.
გუშინ "ლელო" ფეხბურთელს შეეხმიანა და თავდაპირველად ჯანმრთელობის მდგომარეობაზე დაეკითხა, მერე კი სხვა საინტერესო თემებსაც გადავწვდით.

– თავდაპირველად, ცხადია, თქვენი ჯანმრთელობის მდგომარეობა გვაინტერესებს...

– სამწუხაროდ, აჩქარება რომ გავაკეთე ესტონეთთან შეხვედრაში, უკანა კუნთი დამეჭიმა. რომ ავჩქარდი, ეგრევე ტკივილი ვიგრძენი. დიდი იმედი მაქვს, ტრავმა არ იქნება სერიოზული და, ვთქვათ, მხოლოდ ორი კვირის განმავლობაში მომიწევს დასვენება. იმედიაა, გაწყვეტილი არაა კუნთი. ასეთ შემთხვევაში მკურნალობას გაცილებით ხანგრძლივი დრო დასჭირდება.

– ნაკრების ბოლო ორ შეხვედრას როგორ აფასებთ?

– მხოლოდ და მხოლოდ დადებითია შეფასება. ორივე მატჩში კარგად ითამაშა ეროვნულმა გუნდმა. ჩემი აზრით, ასეთი თამაშით ძალიან დიდი შანსი გვაქვს, რომ მოვიგოთ ერთა ლიგა და ვითამაშოთ ევროპის ჩემპიონატზე. ამით კი ძალიან დიდი სიხარული მოვუტანოთ მთელ საქართველოს. მე მგონია, რომ ერთა ლიგაზე არ იქნებიან ესტონეთსა და ლიტვაზე ძლიერი გუნდები.

რაც შეეხება ჩემს თამაშს, პირველ შეხვედრაში 10 წუთი ვითამაშე და მეორეშიც არ დამაცალა ტრავმამ ბოლომდე თამაში. მთავარია ჯანმრთელად ვიყო და ყველაფერს გავაკეთებ იმისათვის, რომ ეროვნულ გუნდს გამოვადგე.

ინტერვიუს სრულ ვერსიას გაზეთ "ლელოს" 29 მარტის ნომერში იხილავთ.

1306
მკითხველის კომენტარები / 0 /
მსგავსი ამბები
რუბრიკის სხვა სიახლეები
;