ბეისბოლი: ხუთი წელი ცოცხალი კონტრაბანდისთვის

ბეისბოლის მწვრთნელი ხულიო ესტრადა ხუთწლიანი პატიმრობით დაისაჯა ამერიკის შეერთებულ შტატებში კუბელი მოთამაშეების კონტრაბანდის გამო. ამის შესახებ წერს Associated Press.

სააგენტოს ცნობით, მაიამის ფედერალურმა სასამართლომ ესტრადა და აგენტი ბარტოლო ერნანდესი დამნაშავედ სცნო ოპერაციის ორგანიზებაში, რომლის მეშვეობითაც მათ კუბელი ბეისბოლისტები გადაიყვანეს ამერიკის შეერთებულ შტატებში. ამ გზით, ესტრადა და ერნანდესი უკანონო შემოსავალს იღებდნენ. პროკურორმა რონ დევიდსონმა განაცხადა, რომ გასამართლებულები კორუფციულ სქემებში იყვნენ ჩაფლულნი.

აშშ-ში უკანონოდ გადაყვანილ ბეისბოლისტებს შორის არიან ხოსე აბრეუ "ჩიკაგო უაიტ სოქსიდან", ადენი ეჩევერია "ტამპა ბეიდან" და ლეონის მარტინი "ჩიკაგო კაბსიდან".

აბრეუმ ჟურნალისტებს მოუყვა, რომ 2013 წელს, აშშ-ის საზღვარზე გადასვლისას ყალბი პასპორტის შეჭმამ მოუწია, რათა მაიამიში ჩასვლის შემდეგ, პრობლემები არ შექმნოდა.

ყოველდღიური სპორტული გაზეთი "ლელო"
2200
მკითხველის კომენტარები / 0 /
რუბრიკის სხვა სიახლეები