ბელგიელებმა გიორგი ჩაკვეტაძე ედენ აზარს შეადარეს

ბელგიურმა საიტმა walfoot.be-მ ძალიან თბილი წერილი მიუძღვნა გიორგი ჩაკვეტაძეს. "პატარა გენიოსი გელამკო არენიდან", - ასე ჰქვია პატარა წერილს. მასალა მას შემდეგ დაიწერა, რაც "გენტის" ახალგაზრდა ქართველმა შემტევმა ორი გოლი გაუტანა "შარლერუას" და პირადად მოაგებინა (2:1) თავის გუნდს.

"ისე ჩანს, რომ ახალი მწვრთნელის, იეს ტრუპის გამოჩენა "გელამკო არენაზე" ყველაზე მეტად გიორგი ჩაკვეტაძეს მოუხდა. ის კარგად გრძნობს ფეხბურთს. ჯერ კიდევ შარშან გამოჩნდა, რომ ახალგაზრდა ქართველი არის განსაკუთრებული ტალანტი. ის უკვე ამართლებს იმედებს...

ყველა დარწმუნებული იყო, რომ მიმდინარე სეზონი ჩაკვეტაძისა იქნებოდა. მას გაუჭირდა ვანდერჰეგეს მწვრთნელობისას. მას უჭირდა გოლის გატანა და მიმდინარე სეზონში მხოლოდ ერთი გოლის ამარა იყო...

ახალმა მწვრთნელმა კი მასზე ძალიან კარგად იმოქმედა, ოსტენდეში ჩაკვეტაძემ განსაკუთრებული ფეხბურთი აჩვენა. ის თამაშის სტილით გვაგონებს ედენ აზარს ბელგიის ნაკრებში, როცა ის ცოტას ურტყამს და ძირითადად ბურთის გადანაწილებითაა დაკავებული...

"გენტის" რიგებში იყო დიდი ფეხბურთელი გიორგი ჩაკვეტაძე. ის ჩვენთვის გადაუჭრელ პრობლემად იქცა არა მხოლოდ გოლებით, არამედ თამაშის სტილით", - თქვა "შარლერუას" მწვრთნელმა ფელიქს მაზიუმ.

1186
მკითხველის კომენტარები / 0 /
მსგავსი ამბები
რუბრიკის სხვა სიახლეები
;