ბელგიის მატჩისთვის მილტონ ჰეიგმა შემადგენლობა დაასახელა

2 მარტს ბორჯღალოსნები 2019 წლის რაგბი ევროპის ჩემპიონატის მესამე მატჩს ბრიუსელში, ბელგიის ნაკრების წინააღმდეგ გამართავენ. შეხვედრა ჩვენი დროით 19 საათზე დაიწყება და მისი პირდაპირი ტელე-რეპორტაჟი საზოგადოებრივი მაუწყებლის პირველ არხზე იქნება.

ბელგიელებმა პირველ ტურში გერმანიას უმასპინძლეს და 29:22 სძლიეს, ხოლო 16 თებერვალს რუსეთს ეწვივნენ და 7:64 დამარცხდნენ. შედეგად, ისინი 4 ქულით ბოლოსწინა, მე-5 ადგილზე არიან.

ორი კარგი ტესტი

ბორჯღალოსნებმა პირველ ორ მატჩში გამარჯვება მოიპოვეს და თანაც მთავარი კონკურენტები დაამარცხეს - რუმინეთს კლუჟში 18:9, ხოლო ესპანეთს თბილისში 24:10 სძლიეს. აღსანიშნავია, რომ ეს გამარჯვებები ჩვენმა გუნდმა გადახალისებული შემადგენლობით და ხუთი დებიუტანტით მოიპოვა, რაც მილთონ ჰეიგის კმაყოფილებას იწვევს:

„ახლა რომ ვუყურებ, ორი ძალიან კარგი ტესტი/გამოცდა გვქონდა, სწორედ ისეთი, როგორიც გვჭირდებოდა. ვნახეთ ახალგაზრდა ბიჭები, ახალი სახეები, რამდენად შეძლებდნენ საჭირო დონეზე თამაშს. ამავდროულად, მივიღეთ ის, რაც გვსურდა - მოვიგეთ ორივე თამაში!“

„რუმინეთთან, მით უმეტეს სტუმრად მოგება, ყოველთვის რთულია. გასათვალისწინებელია ისიც, რომ რუმინელებმა ჩვენთან თამაშისთვის საფრანგეთიდან ყველა უძლიერეს მორაგბეს უხმეს. ამან დაგვანახა, რომ ჩვენს ახალგაზრდა მოთამაშეებს მაღალ, საერთაშორისო დონეზე თამაშის უნარი შესწევთ“.

„ესპანეთს ურთულეს მეტეოროლოგიურ პირობებში, ძლიერი ქარის ფონზე ვეთამაშეთ. ბევრი შესაძლებლობა გვქონდა, თუმცა რიგ შემთხვევებში გადაწყვეტილებებში მოვიკოჭლებდით და ამ კუთხით ბევრი გვაქვს სამუშაო. აუცილებლად გასათვალისწინებელია ისიც, რომ ქარი ბურთს მიმართულებას მკვეთრად უცვლიდა და ასეთ დროს თამაში ძალიან რთულია“.

ხუთი დებიუტანტი ორ მატჩში

ჰეიგმა განვლილ ორ მატჩში ხუთი დებიუტანტი გამოსცადა - ბექა საღინაძე, დავით გიგაური და ვანო კარკაძე რუმინეთთან, ხოლო გრიგორ ქერდიყოშვილი და გიორგი ჯავახია ესპანეთთან:

„დებიუტანტებმა თავი საუცხოოდ წარმოაჩინეს. გუნდში კვლავ არიან გამოძახებული საღინაძე, გიგაური და კარკაძე. კმაყოფილი ვართ ჯავახიათი და ქერდიყოშვილით. ამ უკანასკნელმა უდიდესი შრომისმოყვარეობა გამოავლინა და როდესაც შანსი მიიღო, ის ძალიან კარგად გამოიყენა. მან სადებიუტი მატჩში ლელო მიითვალა. ესპანეთთან მეორე შეხვედრა ჩაატარა და ლელო გაიტანა გიგაურმა. ორივე მათგანით კმაყოფილი ვარ, მით უმეტეს, რომ ორივე მეორე ხაზელია. ზაფხულსა და ნოემბერში ამ პოზიციაზე თითქოს დამაჯერებლად არ გამოვიყურებოდით, ახლა კი თავს კომფორტულად ვგრძნობთ“.

„ძალიან კარგი მორაგბეა ჯავახია, თუმცა უკეთეს ფორმაში უნდა ჩადგეს, რადგან მას მესამე ხაზში განვიხილავთ. ის უდაოდ ძლიერი მორაგბეა. 18-წლამდელთა ნაკრებიდან ვაკვირდებით და მას როგორც ღონიერ, უტეხ მოთამაშედ ვიცნობთ, რომელსაც გუნდისთვის ბევრი სიკეთის მოტანა შეუძლია“.

ტრავმებიდან დაბრუნდნენ

ნოემბერის ტესტებზე ბორჯღალოსნებმა ტრავმების გამო რამდენიმე მორაგბე მოისაკლისეს, რომელთა ნაწილი რაგბი ევროპის ჩემპიონატის პირველ ორ მატჩში დაბრუნდა და ჰეიგი მათი მზადყოფნით კმაყოფილი დარჩა:

„მელიქიძე ზაფხულის ტესტებზე კუნძულებზე გვყავდა და მხოლოდ ნოემბრის ტესტები გამოტოვა. მირიან მოდებაძეს ტრავმის გამო დიდი დრო გაუცდა და გვიხარია, რეაბილიტაცია რომ დაასრულა. მისი ფიზიკური ფორმითა და მომზადების დონით კმაყოფილი ვარ. ახლა მან ბევრი უნდა ითამაშოს და ჩვეულ ფორმას დაუბრუნდეს“.

„იგივეს თქმა შემიძლია გიორგი აფციაურის შესახებ - სამწუხაროდ, ამ ბიჭს უკანასკნელი ორწლინახევრის განმავლობაში ძალიან ბევრი ტრავმა ჰქონდა და ახლა ბრუნდება. ის ‘ლოკომოტივში’ საკმაოდ კარგად გამოიყურება, ასევე მონდომებით ვარჯიშობს და რუმინეთთან და ესპანეთთან მიცემული შანსიც გამოიყენა. არ დაგვავიწყდეს, რომ მას ზურგს 2015 წლის მსოფლიო თასი და 24 სანაკრებო კეპი უმაგრებს. მინდა ხაზი გავუსვა, რომ მას მებრძოლის ყველა თვისება აქვს,რაც ჩვენთვის მნიშვნელოვანი და აუცილებელია“.

„გიორგი ჭყოიძეც ტრავმებიდან დაგვიბრუნდა - ის კიდევ მუშაობს საკუთარ თავზე, რომ საჭირო ფორმაში ჩადგეს და კარგი კვაჭი გახდეს. არ უნდა დაგვავიწყდეს, რომ ის კვაჭის პოზიციაზე 8 ნომრიდან გადმოვიდა და ბოლო 3-4 წლის განმავლობაში ძალიან ბევრს მუშაობს. ამ მიმართულებით მას გრეემ როუნთრიც აქტიურად ეხმარება“.

ტრავმა მოიშუშა, სრული დატვირთვით ვარჯიშობს და ბელგიასთან სათამაშოდ ემზადება გუნდის კაპიტანი მერაბ შარიქაძე, ასევე დავით კაჭარავა და გელა აფრასიძე, რომელიც რუმინეთთან მატჩისას დაშავდა:

„დიახ, ისინი დაბრუნდნენ, სრული დატვირთვით ვარჯიშობენ და ბელგიასთან მატჩისთვის ნამდვილად ფასდაუდებელნი იქნებიან. უმნიშვნელოვანესია, რომ კაპიტანი დაგვიბრუნდა! ის ძალიან შრომისმოყვარეა და დაუღალავად ვარჯიშობს. მან ძალიან განიცადა რუმინეთთან და ესპანეთთან რომ ვერ ითამაშა, საკმაოდ მოტივირებულია და ბელგიასთან მატჩისთვის განსაკუთრებულად ემზადება. გამოცდილი მორაგბეების დაბრუნება მნიშვნელოვანია“.

სიღრმეები

მეორეს მხრივ, ჰეიგი ამბობს, რომ ბოლოდროინდელი ტრამები სამწვრთნელო შტაბს სიღრმეების შექმნაში დაეხმარა, რაც მსოფლიო თასის წინ უმნიშვნელოვანესია:

„გუნდში სიღრმეების შექმნა კონკურენციას ზრდის უშუალოდ ვარჯიშებზეც კი და ყველა უფრო მოტივირებულად ვარჯიშობს. ყველა ცდილობს, რომ სამატჩო რაზმში მოხვდეს, ეს კი თამაშის დონეზე აისახება. სწორედ ამიტომ, ახალი მოთამაშეების ნაწილს ივნისში და ნოემბერში, ნაწილს კი ახლა მიეცა შანსი და იმ შემთხვევაში, თუ ტრავმები კიდევ გვექნება, ვიცით ვის უნდა დავუძახოთ“.

„არ გვინდა მსოფლიო თასზე ისე წავიდეთ, რომ ერთ პოზიციაზე ორი ტრავმის შემთხვევაში, სამუშაო გეგმა არ გვქონდეს. გვინდა ყველაფრისთვის მაქსიმალურად მომზადებულები ვიყოთ და გვყავდეს ხალხი, ვისაც ნებისმიერი პოზიციის შევსება შეეძლება. მნიშვნელოვანია, რომ მათ საერთაშორისო, უფროსი სანაკრებო რაგბის გამოცდილება ჰქონდეთ. ეს ძალიან მნიშვნელოვანია, რადგან მსოფლიო თასის წინ, ტრავმებისგან დაზღვეული არავინაა“.

ერთ-ერთი ასეთი მოთამაშე, რომელიც ნაკრებში ბოლო დროს გამოჩნდა და აგერ უკვე ზედიზედ ოთხი მატჩი დაიწყო სასტარტო შემადგენლობაში, 19 წლის მგეზავი თედო აბჟანდაძეა:

„ის ჩვენ ძალიან მოგვწონს და საუკეთესო ფორმაში მყოფი, ერთ-ერთ 10 ნომრად განიხილება. მნიშვნელოვანია, რომ მან რაც შეიძლება ბევრ საერთაშორისო მატჩში მიიღოს მონაწილეობა და გამოცდილება დააგროვოს. დიახ, თედომ ორ ახალგაზრდულ მსოფლიო თასზე საუცხოოდ ითამაშა, მაგრამ 20-წლამდელთა ჩემპიონატი კაცთა მსოფლიო თასს ნამდვილად ვერ შეედრება“.

მზადება ბელგიისთვის

ახლა ბორჯღალოსნები ინგლისში არიან და მსოფლიოს ერთ-ერთ წამყვან ნაკრებთან ერთობლივ ვარჯიშებს მართავენ. ეს ვარჯიშები იაპონიის მსოფლიო თასისთვის, ასევე რაგბი ევროპის ჩემპიონატზე უახლოესი მატჩისთვის მზადებას ემსახურება, სადაც ორი ტურის შემდეგ, საქართველო 8 ქულით პირველ ადგილზეა:

„არ უნდა დაგვავიწყდეს, რომ ბელგიელები ბრიუსელში კერკეტი კაკლები არიან და მათთვის სათანადოდ უნდა მოვემზადოთ. როგორც წესი, ამ პერიოდში მათი მოედნის გრუნტი მძიმე, რიგ შემთხვევაში ტალახიანია და იოლი თამაში არ გვექნება. მათ ყავთ ზორბა, მძიმე მორკინალები, რომლებსაც თავიანთი თამაშის თავზე მოხვევა უყვართ. ბრიუსელი ჩვენთვის ყოველთვის კარგი გამოცდაა და მოუთმენლად ველით ამ თამაშს“.

„შემდეგ შინ დავბრუნდებით და ქუთაისში, საქართველოს ერთ-ერთ ყველაზე გამორჩეულ სარაგბო ქალაქში გერმანიას ვეთამაშებით, ბოლოს კი ფინალური მატჩისთვის, რუსეთთან სათამაშოდ კრასნოდარში გავემგზავრებით“.

ინგლისური შეკრებისა და ბელგიასთან მატჩისთვის მწვრთნელებმა რამდენიმე გამოცდილ მორაგბეს უხმეს - ზურაბ ჟვანიას და შალვა სუთიაშვილს, ასევე ოთარ გიორგაძეს, რომელსაც დისკვალიფიკაციის ვადა გაუვიდა:

„განვმეორდები და ვიტყვი, რომ წინ მსოფლიო თასია და ყველაფერი ამ ტურნირისთვის მოსამზადებლად კეთდება. ვაკვირდებით ახალგაზრდა მორაგბეებს, რისი შანსიც სხვა დროს ნაკლებად გვაქვს, ასევე გამოცდილ მორაგბეებს, რათა დავრწმუნდეთ, შესწევთ თუ არა იმ დონეზე თამაშის ძალა, რასაც ჩვენ ვითხოვთ. სწორედ ამიტომ, დარჩენილი მატჩები საინტერესო იქნება“.

„საბედნიეროდ, ჩვენ გვაქვს იმის ფუფუნება, რომ გამოვიძახოთ ზურაბ ჟვანია, რომელსაც დიდი სანაკრებო გამოცდილება აქვს და კლუბშიც საუცხოოდ გამოიყურება. გვიბრუნდებიან შალვა სუთიაშვილი და ოთარ გიორგაძე, რომლებიც ჩვენს თამაშს მეტ აგრესიულობას და ფიზიკურობას შემატებენ“.

No

სახელი და გვარი

კლუბი

დაბ

ბრჯ

მონაგარი

უკანა ხაზი [ბექები]

სანდრო თოდუა

ბათუმი [საქ დ 10]

1987

77

11ლ 2სბ

ლაშა ხმალაძე

ბათუმი [საქ დ 10]

1988

71

8ლ 4გ [48 ქ]

გიორგი აფციაური

ლოკომოტივი [საქ დ 10]

1994

24

სოსო მათიაშვილი

ლელო სარასენს [საქ დ 10]

1993

14

6ლ 19გ 19ჯ [125 ქ]

მირიან მოდებაძე

ქუთაისის აია [საქ დ 10]

1997

5

:

დავით კაჭარავა

ენისეი [რუს პრემიერ]

1985

112

22ლ [4 კაპ] 3სბ

ლაშა მალაღურაძე

მონინოს ვე’ვე’ა [რუს პრემიერ]

1986

89

4ლ 40გ 25ჯ 3ა [184 ქ] 2სბ

მერაბ შარიქაძე

ორიაკ [სფრ პრო დ2]

1993

60

11ლ [13 კაპ]

გიორგი კვესელაძე

მარნეულის არმაზი [საქ დ 10]

1997

16

3ლ

ზურაბ ძნელაძე

ლოკომოტივი [საქ დ 10]

1992

6

:

10

თედო აბჟანდაძე

ქუთაისის აია [საქ დ 10]

1999

4

შ 7გ 6ჯ [39 ქ]

9

გიორგი ბეგაძე

ლოკომოტივი [საქ დ 10]

1986

64

2სბ

9

ვასილ ლობჟანიძე

ბრივ [სფრ პრო დ2]

1996

41

7ლ

9

გელა აფრასიძე

მონპელიე [სფრ ტოპ 14]

1998

12

შერკინება [ფორვარდები]

1

ზურაბ ჟვანია

ვოსპს [ინგ პრემ]

1991

37

11ლ 2სბ

1

გურამ გოგიჩაშვილი

რასინგ [სფრ ტოპ 14]

1998

3

:

2

შალვა მამუკაშვილი

ენისეი [რუს პრემიერ]

1990

63

5ლ სბ

2

ვანო კარკაძე

ორიაკ [სფრ პრო დ2]

2000

1

:

3

ლევან ჩილაჩავა

მონპელიე [სფრ ტოპ 14]

1991

45

8ლ სბ

3

გიორგი მელიქიძე

სტად ფრანსეზ [სფრ ტოპ 14]

1996

11

3

ბექა გიგაშვილი

გრენობლ [სფრ ტოპ 14]

1992

4

:

2ხ

გიორგი ნემსაძე

ოსპრეიზ [უელ პრო 14]

1984

87

13ლ [11 კაპ] 6სბ

2ხ

ნოდარ ჭეიშვილი

ქორნიშ პაირათს [ინგ ჩემპ]

1990

19

:

2ხ

დავით გიგაური

მუნიჩიპალ [რუმ სუპერ]

1994

2

3ხ

შალვა სუთიაშვილი

ანგულემ [სფრ პრო დ2]

1984

72

2ლ [15 კაპ] 3სბ

3ხ

გიორგი თხილაიშვილი

ბათუმი [საქ დ 10]

1991

48

10ლ სბ

3ხ

ოთარ გიორგაძე

ბრივ [სფრ პრო დ2]

1996

17

4ლ

3ხ

ბექა გორგაძე

ბორდო [სფრ ტოპ 14]

1996

16

6ლ 2სბ

3ხ

გიორგი ცუცქირიძე

ორიაკ [სფრ პრო დ2]

1996

15

2სბ

3ხ

ბექა საღინაძე

ორიაკ [სფრ პრო დ2]

1998

1

:

http://rugby.ge/

948
მკითხველის კომენტარები / 0 /
მსგავსი ამბები
რუბრიკის სხვა სიახლეები
;