ბერგკამპი, ვიეირა და ვენგერის ოთხი ვარიანტი

არსენ ვენგერს, ვინც სეზონის დასრულების შემდეგ "არსენალს" დატოვებს, კარიერის გაგრძელების 4 ვარიანტი აქვს.

"ტელეფუტის" ინფორმაციით, ორი შეთავაზება აზიიდანაა, ორიც - ევროპიდან. აზიურ ვარიანტებს რაც შეეხება, 68 წლის სპეციალისტს იაპონიაში ქვეყნის ეროვნული ნაკრების მთავარი მწვრთნელის პოსტს სთავაზობენ, ხოლო ჩინეთში - მაღალ თანამდებობას იქაურ საფეხბურთო სტრუქტურაში. ვენგერს, თუ დათანხმდა, ამ ქვეყანაში ფეხბურთის განვითარებაზე ზრუნვა დაევალება.

ევროპაში კი მას "დორტმუნდს" უკავშირებენ. ცნობილია, რომ სეზონის დასრულების შემდეგ გერმანული გრანდი უმწვრთნელოდ რჩება. მეორე ვარიანტი "პარი სენ-ჟერმენია", სადაც ვენგერს ასევე მაღალ თანამდებობას სთავაზობენ საკლუბო იერარქიაში.

ცხადია, აქტუალური რჩება საკითხი, თუ ვინ დაიკავებს ვენგერის სავარძელს "არსენალში". კარლო ანჩელოტისა და სხვა კანდიდატებზე უკვე ვწერდით, მათ შორის, პატრიკ ვიეირაზეც, რომელიც ახლა "ნიუ იორკ სიტის" (MLშ) მოძღვრავს, თუმცა მზად არის, განიხილოს "დიდი მასწავლებლის" შეცვლის პერსპექტივა.

სახელდება "არსენალის" კიდევ ერთი ყოფილი ფეხბურთელის, დენის ბერგკამპის კანდიდატურაც. უფრო სწორად, ეს არის "მეთოფეთა" ექსმცველის, სოლ კემპბელის იდეა.

ის მიიჩნევს, რომ "არსენალის" სამწვრთნელო შტაბის სათავეში ორი ყოფილის თანაგუნდელის, ვიეირასა და ბერგკამპის თანამშრომლობა გუნდისთვის სასარგებლო იქნება. თუმცა საეჭვოა, "არსენალის" ბოსები ორი მწვრთნელის იდეამ დააინტერესოს.

ყოველდღიური სპორტული გაზეთი "ლელო"
602
მკითხველის კომენტარები / 0 /
მსგავსი ამბები
რუბრიკის სხვა სიახლეები
;