ბერძნულ-რომაული ჭიდაობა. მედლისთვის ხუთივე იბრძვის

რომში მიმდინარე ახალგაზრდა ბერენ-რომაელთა ევროპის ჩემპიონატში დღეს მეორე ხუთეულიც ჩაება და ჩვენმა ნაკრებმა გუშინდელზე უფრო წარმატებით იასპარეზა: ლეიბზე გასული 5-ვე ქართველი აგრძელებს მედლისთვის ბრძოლას. 1 აგვისტოს, 20 საათიდან ფინალურ ბლოკში ჩემპიონობისთვის ჯონი ხეცურიანი (67) იჭიდავებს. ნიკოლოზ ჭიკაიძე (72) დამამშვიდებლის ფინალშია გადასული, ხოლო სანუგეშო წრეში ბრინჯაოსთვის ბრძოლას ირაკლი ძიმისტარაშვილი (60), აივენგო რიკაძე (82) და ლუკა ხუციშვილი (97) აგრძელებენ.

როგორც უნდა დამთავრდეს ფინალური ბლოკი, ერთი რამ ცხადია: რევაზ ლაშხის გუნდის 10 წევრიდან 9-მ მედლისთვის იჭიდავა, რაც ფრიად საყურადღებო შედეგია. აქვე ამ გუნდის შარშანდელ გამოსვლასაც შეგახსენებთ, ოღონდ მაშინ 8 წონა იყო და სოსო ჯაბიძის გუნდმა ევროპის ჩემპიონატზე 8-ვემ მედალი მოიპოვა. თუმცა ახალგაზრდა ბერძენ-რომაელებისთვის წარმატება ნამდვილად არაა უცხო ხილი. მარტო ის რად ღირს, რო 2015-16 წლებში ამ გუნდს ამჟამად უზბეკთა მთავარ მწვრთნელად მოვლენილი ზაზა სილაგაძის ხელმძღვანელობით მსოფლიოს პირველობიდან ოქროების ნახევარი - 4-4 ოქრო მოჰქონდა!

280
მკითხველის კომენტარები / 0 /
მსგავსი ამბები
რუბრიკის სხვა სიახლეები