ბერძნულ-რომაული ჭიდაობა: საქართველო ნახევარფინალშია

ირანულ ისპაჰანში მიმდინარე ბერძენ-რომაელთა მსოფლიოს საკლუბო ჩემპიონატში წარმატებით ასპარეზობს ქართული კლუბი "საქართველო", რომელიც B ჯგუფში ორივე შეხვედრა მოიგო და ნახევარფინალში გავიდა. ხვალ ჩვენები ფინალის საგზურისთვის მასპინძელთა გუნდს, ამ ტურნირის შარშანდელ ჩემპიონ "სინა სანატს" შეხვდება.

ქვეჯგუფში ჩვენებმა ჯერ ტაჯიკეთის "ტაჯიკ იარი" დაამარცხეს - 9:1, შემდეგ კი ირანის "შოჰადაე მოდაფე ჰარამს" ქალაქ ქომიდან 8:2 აჯობა.

პირველ პაექრობაში ჩვენგან გამარჯვებები მოიპოვეს ნუგზარ წურწუმიამ (55), ბექა ბალანჩივაძემ (60), დავით ჩხარტიშვილმა (63), მურად მიქელაძემ (67), საჩინო დავითაიამ (72), ბაკურ გოგოლმა (77), ვალერი კვარაცხელიამ (82), კუკური კირცხალიამ (97) და ლევან არაბულმა (130). დამარცხდა გურამ ხეცურიანი (87).

ირანელებთან გაიმარჯვეს წურწუმიამ, ბალანჩივაძემ, ჩხარტიშვილმა, თორნიკე ჯანგავაძემ (67), ხოლო რამაზ ზოიძემ (72), კვარაცხელიამ, კირცხალიამ და არაბულმა. წააგეს გოგოლმა და ხეცურიანმა.

ნახევარფინალში გავიდა ჩვენი ერთადერთი ლეგიონერი ზვიად პატარიძე (130), ვინც ირანული "ბიმეჰ რაზის" შემადგენლობაში გამოდის. მან რუსული "მოსკოვის" წინააღმდეგ იასპარეზა, სადაც რუსეთში გადასულ თანამემამულე ზურაბ გედეხაურს აჯობა: 3:1. მისი კლუბი ნახევარფინალში თურქულ "ბუიუკშექირს" შეხვდება.

908
მკითხველის კომენტარები / 0 /
მსგავსი ამბები
რუბრიკის სხვა სიახლეები