[ბესიკ ჯანგავაძე იაპონიიდან] ავსტრალია მზად არის, ძირითადი შემადგენლობა დაასახელა

საქართველოს ნაკრების მეტოქის ავსტრალიის ეროვნული გუნდის მთავარმა მწვრთნელმა მაიკ ჩეიკამ 11 ოქტომბერს გასამართავი შეხვედრის შემადგენლობა სავალდებულოზე ერთი დღით ადრე გამოაცხადა. 

ურუგვაისთან გამართულ მატჩთან შედარებით, გუნდში ათი ცვლილებაა. ჯეკ დემპსი ერთადერთია მესამეხაზელთაგან, რომელმაც ძირითად შემადგენლობაში ადგილი შეინარჩუნა. შერკინების ბურჯი სეკოპე კეპუ 110-ე კეპს მოიხვეჭს. გუნდს დევიდ პოკოქი უკაპიტნებს. 

აღსანიშნავია, რომ ცხრა ნომერ ნიკ ვაითს და მეგაზავ მეთ ტოომუას ერთად ავსტრალიის ნაკრებში არასდროს უთამაშიათ. ძირითად შემადგენლობაში არიან: მარიკა კოროიბეტე, ჯეიმზ ოკონორი და ქართლი ბილი. 

სათადარიგოთა შორის არიან: ვილი გენია, მაიკლ ჰუპერი, კრისტიან ლეალიიფანო, ადამ კოლემანი და დენ ჰაილეტ-პეტი. ჩეიკამ შემადგენლობაში არ შეიყვანა ადამ ეშლი-კუპერი და ბერნარ ფოლი. 

„მეთ ტომუა რადიკალურად განსხვავდება ბოლისა და ლეალიიფანისგან. მას თამაშის თავისებური სტილი აქვს და შესანიშნავად იყენებს საკუთარ შესაძლებლობებს. მეთს კიდევ ერთ შანსს ვაძლევთ თავისი უნარები წარმოაჩინოს. 

საქართველოს ნაკრები ფიზიკურად ძლიერი გუნდია. ეს ცხადზე უცხადესია. ამიტომ, ქართველებთან თამაში ჩვენთვის საინტერესო გამოწვევაა, მით უფრო, რომ ეს ავსტრალიისა და საქართველოს ნაკრებები ისტორიაში პირველად ხვდებიან ერთმანეთს. გვინდა ვაჩვენოთ მათ, როგორ ვთამაშობთ ჩვენეულ რაგბის. დარწმუნებული ვარ, ისინი გვიჩვენებენ, როგორია რაგბის მათი სტილი“. - თქვა „ვოლაბების“ თავკაცმა მაიკ ჩეიკამ. 

შეგახსენებთ, რომ დღეს ჩვენს ჯგუფში ცენტრალური მატჩი გაიმართება, სადაც უელსის ნაკრები ფიჯის დაუპირისპირდება. ამ მატჩის შედეგმა, შესაძლებელია, ჯგუფში ყველაფერი თავდაყირა დააყენოს. 

საქართველოს ნაკრების თავკაცი მილტონ ჰეიგი შემადგენლობას დღეს დაასახელებს. ხვალ კი „ბორჯღალოსნები“ „ეკოპა სთედიუმზე“ კაპიტნის ვარჯიშს გამართავენ. 

ავსტრალია: 15. ქართლი ბილი, 14. ჯორდან პეტაია, 13. ჯეიმზ ოკონორი, 12. სამუ კერევი, 11. მარიკა კოროიბეტე, 10. მეთ ტოომუა, 9. ნიკ ვაითი. 1. სკოტ სიო, 2. ტოლუ ლატუ, 3. სეკოპე კეპუ, 4. იზააკ როდა, 5. რორი არნოლდი, 6. ჯეკ დემპსი, 7. დევიდ პოკოქი, 8. იზი ნაისარან

16. ჯორდან ულისე, 17. ჯეიმზ სლიპერი, 18. ტანიელა ტუპოუ, 19. ადამ კოლემანი, 20. მაიკლ ჰუპერი, 21. ვილი გენია, 22. კრისტიან ლეალიიფანო, 23. დენ ჰაილეტ-პეტი 

მსოფლიოს თასი 
სამ. აფრკა-კანადა 66:7

სატურნირო მდგომარეობა 
1. სამხრეთ აფრიკა - 15 ქულა, 2. ახალი ზელანდია - 14, 3. იტალია - 10, 4. ნამიბია - 0, 5. კანადა - 0 

9 ოქტომბერი
არგენტინა-აშშ
შოტლანდია-რუსეთი
უელსი-ფიჯი

11 ოქტომბერი
საქართველო-ავსტრალია

ყოველდღიური სპორტული გაზეთი "ლელო"
164
მკითხველის კომენტარები / 0 /
მსგავსი ამბები
რუბრიკის სხვა სიახლეები
;