[ბესიკ ჯანგავაძე იაპონიიდან] მერაბ შარიქაძე: ფიჯიმ მეტოქე სათანადოდ არ შეაფასა... ჩვენთვის არაფერი შეცვლილა, მიზანი იგივეა

მერაბ შარიქაძე, საქართველოს ნაკრების კაპიტანი: 
„ფიჯიმ მეტოქე სათანადოდ არ შეაფასა. არ ეგონათ, რომ ურუგვაის შეეძლო სენსაცია მოეხდინა. ეგონათ მარტივად მოუგებდნენ.

მერე ძალიან ბევრი სალელოვე მომენტი ვერ გამოიყენეს და კარში დარტყმებიც ბევრი გაუცუდდათ. ასეთ თამაშებში ეს ყოველივე მნიშვნელოვანი დეტალია. ფიჯის საკმაოდ დიდი უპირატესობა ჰქონდა. 

ამით ჩვენთვის არაფერი შეცვლილა. მიზანი იგივეა, რაც აქამდე. გამყარდა მოსაზრება, რომ ურუგვაი ხელწამოსაკრავი გუნდი არ არის. ფიჯიც უძლეველი არ არის, მაგრამ ჩვენთან გასამმაგებული მოტივაციით გამოვა სათამაშოდ, რადგან, შესაძლოა, ერთადერთი შანსი იყოს მათთვის, რომ ამ მსოფლიოს თასზე თამაში მოიგონ. თუმცა, უმოტივაციოდ არც ჩვენ გავალთ მოედანზე. იქამდე კი ურუგვაის უნდა მოვუგოთ, რაც არ იქნება მარტივი.“

ყოველდღიური სპორტული გაზეთი "ლელო"
2002
მკითხველის კომენტარები / 0 /
მსგავსი ამბები
რუბრიკის სხვა სიახლეები
;