[VIDEO] ბექა ბურჯანაძემ თად მაკფადენი დაამარცხა და პლეი ოფში გასვლის მშვენიერი შანსი აქვს

ესპანეთის ჩემპიონატში დასრულდა მესამე ტური. კორონავირუსის გამო პირენეებზე ჩემპიონატი შეწყდა და ახალ, ორკვირიან ფორმატში განახლდა. 12 გუნდი ორ ჯგუფადაა გაყოფილი. თითოდან საუკეთესო დუეტი გავა.

"ბ" ჯგუფში საქართველოს ნაკრების ორი კალათბურთელია - ბექა ბურჯანაძე და თად მაკფადენი. ისინი ერთმანეთს 22 ივნისს შეხვდნენ. დაძაბულ ბრძოლაში, ოვერტაიმში, ბექას "გრან კანარიამ" თადის ბურგოსი დაამარცხა - 91:87.

მწვრთნელმა ფოტის კაცაკარისმა ყველაზე მეტხანს ბექა ბურჯანაძე ათამაშა - 45 წუთიან მატჩში ქართველი მხოლოდ 8 წუთი დაასვენა. ამის მიზეზი გასაგებია: ბექა გუნდისთვის საკმარისზე მეტად სასარგებლო კალათბურთელია. მან მატჩი 12 ქულითა და 8 მოხსნით დაასრულა, 3-დან 2 სამქულიანი და 6-დან 3 ორქულიანი ჩააგდო.

ბექას წინააღმდეგ ითამაშა საქართველოს ნაკრების უკანახაზელმა თად მაკფადენმა. მისი მონაგარი ასეთი იყო: 30 წუთი, 12 ქულა, 3 მოხსნა, 1 პასი.

"ბ" ჯგუფში პირველი ეტაპის დასრულებამდე ორი ტურით ადრე ოთხხელისუფლებიანობაა: "რეალს", "ვალენსიას", "ბურგოსსა" და "გრან კანარიას" თითო წაგების წილ 2-2 მოგება აქვთ. ბევრი რამ მეოთხე ტურში, 24 ივნისს გადაწყდება. ბურჯანაძის "გრან კანარია" აუტსაიდერ "სარაგოსას" შეხვდება, ხოლო მაკფადენის "ბურგოსი" ერთ-ერთ ფავორიტ, მასპინძელ, "ვალენსიას".

435
მკითხველის კომენტარები / 0 /
მსგავსი ამბები
რუბრიკის სხვა სიახლეები
;