ბექა გორგაძის წითელი ბარათი, - ქართველების 'კლერმონი' კვლავ ლიდერობს

საფრანგეთის სარაგბო ჩემპიონატის ელიტურ, პირველ დივიზიონში მეორე წრის პირველი ტური გაიმართა. გათამაშებას ისევ ქართველ მორგბეთა გუნდი „კლერმონი“ ლიდერობს. პლეი ოფში მოსახვედრად კი კიდევ სამი „ქართული გუნდი“ იბრძვის.

დავით ზირაქაშვილის, ვიქტორ კოლელიშვილისა და ბექა კაკაბაძის „კლერმონმა“, ერთ-ერთ კონკურენტს, მესამე ადგილზე მყოფ „ლა როშელს“ უმასპინძლა, რომლის შერკინებასაც ქართველი აქვსენტი გიორგაძე მოძღვრავს. „ვულკანები“ წლეულს შეუდარებელნი არიან და მით უფრო საკუთარ მოედანზე არაფერს თმობენ. მასპინძლებმა ამჯერადაც შესანიშნავად ითამაშეს და მეტოქეს 44:19 სძლიეს. ზირაქაშვილმა თავიდან ბოლომდე ითამაშა, კაკაბაძე და კოლელიშვილი განაცხადში არ იყვნენ.

გიორგი მელიქიძის „სტად ფრანსემ“, რომელმაც ამჯერად ოთხეულში შეაღწია, შინ მიიიღო აუტსაიდერი „პერპინიანი“ და 27:8 სძლია. მელიქიძე თამაშში 72-ე წუთიდან ჩაერთო. ამ პარიზულ გუნდს კვალში თანაქალაქელი „რასინგი“ უდგას, რომელშიც გურამ გოგიჩაშვილი და ვასილ კაკოვინი ასპარეზობენ.

„რასინგმა“ მე-14 ტურში მამუკა გორგოძის „ტულონს“ უმასპინძლა და 22:13. მოუგო. პარიზელები, ისევე როგორც „ვულკანები“ შინ, ფაქტობრივად, დაუმარცხებელია. გოგიჩაშვილი, რომელიც ძირითად შემადგენლობაში იყო, 48-ე წუთზე კაკოვინმა შეცვალა. იმავდროულად შეცვალეს გორგოძეც.

ბექა გორგაძის, ლაშა ტაბიძისა და ლექსო ყაულაშვილის „ბორდო“ სტუმრად დამარცხდა „პოსთან“ - 23:40. გორგაძე მე-11 წუთზე განზრახ უხეში თამაშისთვის მოედნიდან წითელი ბარათით გააძევეს, ტაბიძე მატჩში 69-ე წუთიდან ჩაერთო. ყაულაშვილი ტრავმირებულია.

მიხეილ ნარიაშვილის, ლევან ჩილაჩავას, კონსტანტინე მიქაუტაძისა და გელა აფრასიძის „მონპელიე“ მოულოდნელად დამარცხდა საკუთარ მოედანზე „ლიონთან“ - 14:25. ქართველებიდან მხოლოდ ნარიაშვილმა ითამაშა. ის 58-ე წუთზე შეცვალეს.

საკუთარ მოედანზე დამარცხდა „კასტრთან“ დავით ქუბრიაშვილისა და ბექა გიგაშვილის „გრენობლი“ - 6:16. ქუბრიაშვილი ძირითად შემადგენლობაში იყო და 45-ე წუთზე გიგაშვილმა შეცვალა.

I დივიზიონი

XIV ტური

სტად ფრანსე-პერპინიანი 27:8, გრენობლი-კასტრი 6:16, მონპელი-ლიონი 14:25, პო-ბორდო 40:23, აჟენი-ტულუზი 20:27, რასინგი-ტულონი 22:13, კლერმონი-ლა როშელი 44:19

სატურნირო მდგომარეობა

  1. კლერმონი - 52 ქულა, 2. ტულუზი - 49, 3. ლა როშელი - 42, 4. სტად ფრანსე - 41, 5. რასინგი - 40, 6. ლიონი - 40, 7. ბორდო - 39, 8. კასტრი - 39, 9. მონპელიე - 32, 10. ტულონი - 24, 11. პო - 24, 12. გრენობლი - 20, 13. აჟენი - 17, 14. პერპინიანი - 4.
ყოველდღიური სპორტული გაზეთი "ლელო"
924
მკითხველის კომენტარები / 0 /
მსგავსი ამბები
რუბრიკის სხვა სიახლეები
;