ბექა ლომთაძე: ძალიან ახლოს ბუნდესჩემპიონობასთან

თავისუფალ ჭიდაობაში ევროპის ვიცე-ჩემპიონმა ბექა ლომთაძემ (66) პირველი ნაბიჯი გადადგა გერმანისის ჩემპიონობისკენ: ბუნდესლიგის პირველ ფინალურ შეხვედრაში ქუთაისელმა ათლეტმა და მისმა "ბურგჰაუზენმა" შინ მიიღეს "კოლერბახი" და მძიმე მარცხიც აგემეს: 18:6.

მოლოდინისამებრ, იჭიდავა ლომთაძემაც; მან გამოტოვა ნახევარფინალური ეტაპი, რაკი სანაკრებო მზადებით იყო დაკავებული. მან ბრწყინვალედ მოიგო თავისი შეხვედრა ნიკო-ანტონიო ზარკონესთან: 16:0.

მისმა თანაგუნდელებმა დარჩენილი 9 წონიდან 6-ში იმარჯვეს და განმეორებითი პაექრობის წინ, რომელიც 27 იანვარს კოლერბახში ჩატარდება, მშვენიერი ფორა მიიღეს. "კოლერბახი" ნამდვილად არაა ურიგო გუნდი, თუმცა ვეჭვობთ, ამხელა დეფიციტის განეიტრალება შეძლოს.

1162
მკითხველის კომენტარები / 0 /
მსგავსი ამბები
რუბრიკის სხვა სიახლეები
;