გოგა ბითაძე ABA-ის რჩეულებში

ABA-იმ (ადრიატიკის ლიგა) მე-4 ტურის გამორჩეული კალათბურთელები დაასახელა და მათ შორის 18 წლის ქართველი ცენტრი გოგა ბითაძეც მოხვდა, რომელიც სერბული "მეგა ლეკსის" (ოფიციალურად "მეგა ბემაქს ბასკეტი") ღირსებას იცავს.

მეოთხე ტურში "მეგა ლეკსი" სლოვენიის ოლიმპიასთან შინ დამარცხდა - 77:86, მაგრამ თავად ქართველი შეუდარებელი იყო - 12 ქულა, 14 მოხსნა, 3 დაფარება და 1 შედეგიანი გადაცემა მიითვალა.

14 მოხსნა ლიგაში ტურის საუკეთესო შედეგი იყო და ბითაძეც ტურის საუკეთესო მეფარედ დაასახელეს.

მეორე-მესამე ადგილზე 10-10 მოხსნით მორგან ჯორდანი და ნიკოლს დემეტრისი გავიდნენ. გოგა ადრიატიკის ლიგაში საშუალოდ 15,3 ქულას აგროვებს თამაშში. მის ანგარიშზე საშუალოდ 8,3 მოხსნა და 3,8 დაფარებაა. მე-4 ტურის MVP კი ციბონას ცენტრფორვარდი ლუკა ჟორიჩი გახდა.

ბითაძის გუნდი მორიგ თამაშს ადრიატიკის ლიგაში 21 ოქტომბერს გამართავს, "ბუდუჩნოსტს" ეწვევა. ბითაძის "მეგა ლეკსი" 2-2 მოგება-წაგებით ადრიატიკის ლიგაში მე-5 პოზიციაზეა.

ყოველდღიური სპორტული გაზეთი "ლელო"

1560
მკითხველის კომენტარები / 0 /
მსგავსი ამბები
რუბრიკის სხვა სიახლეები