ბითაძის 17 ქულა და "მეგამ" "ოლიმპია" ოვერტაიმში დაამარცხა

ადრიატიკის ლიგაზე მორიგი შედეგიანი მატჩი გამართა გოგა ბითაძემ, რომლის "მეგა ბიმაქსმა" ქართველთათვის კარგად ნაცნობ სლოვენიის "ოლიმპიას" უმასპინძლა და ოვერტაიმში 81:77 დაამარცხა.

არადა, ძირითადი დროის ბოლო შეტევისას მეგელებს ორი ქულის იოლად ჩაგდების და მოგების შანსი ჰქონდათ, თუმცა თანაგუნდელმა ფარქვეშ მარტო მდგომ ბითაძეს ბურთი არ გადააწოდა, შორიდან ტყორცნა, ააცილა და ოვერტაიმიც დაინიშნა.

ბითაძე დამატებითი დროის ბოლო წუთებზე მოედანზე არ ყოფილა - მან მეხუთე შენიშვნა მიიღო და სათადარიგოთა შორის გადაინაცვლა. მანამდე ქართველმა ცენტრმა საკმარისად მოასწრო: 27 წუთი, 17 ქულა (10-დან 5 ორქულიანი, 4-დან 1 სამიანი, 5-დან 4 საჯარიმო), 4 მოხსნა, 3 დაფარება, 1 ჩაჭრა.

ოვერტაიმში გამარჯვების სამქულიანი "მეგას" უკანახაზელმა მიშკოვიჩმა ჩააგდო, რომელმაც ერთი ქულით გაასწრო გოგას - 18.

მატჩის ბომბარდირ, ოლიმპიელ ლაპორნიკს 19 ქულა ჰქონდა.

"ბიმაქსს" ოთხიდან ოთხი მოგება აქვს და ადრიატიკის ლიგის სატურნირო ცხრილს სათავეში უდგას.

393
მკითხველის კომენტარები / 0 /
მსგავსი ამბები
რუბრიკის სხვა სიახლეები