გორელი გიორგი მუჯარიძე ევროპის თასის გამარჯვებული და რეკორდის ავტორია!

გორელი მძლეოსანი გიორგი მუჯარიძე ევროპის თასზე ტყორცნებში 23 წლამდელთა შორის ბირთვის კვრაში გამარჯვებული და რეკორდის ავტორი გახდა.

მუჯარიძემ 9-10 მარტს სლოვაკეთის ქალაქ სამორინში გამართულ ევროპის თასზე ბირთვი 20,27 მეტრზე კრა და რეკორდიც 23 წლამდელებს შორის აღნიშნული მაჩვენებლით დაამყარა. ქართველმა მძლეოსანმა უკან ჩამოიტოვა ბელარუსი და თურქი კონკურენტები, რომლებიც შესაბამისად მეორე და მესამე ადგილებზე გავიდნენ.

გიორგი მუჯარიძე გორის შოთა ჩოჩიშვილის სახელობის ცენტრალური სასპორტო სკოლის მძლეოსნობის სექციის აღზრდილია. მისი შესაძლებლობები ადგილობრივმა მწვრთნელმა გივი იაზბარიანმა დაინახა და ბირთვის კვრაზე კალათბურთიდან მიიყვანა.

საბედნიეროდ პირველი მწვრთნელის მცდელობას ჩინებული შედეგი მოჰყვა.

მუჯარიძეს ბოლო წლებია უკვე თბილისში დავით მანთიძესთან ვარჯიშობს და ამ სპეციალისტის წილიც მის წარმატებებში ცხადია დიდია.

გიორგი საქართველოს რამდენიმე გზის ჩემპიონი და რეკორდის ავტორი გახლავთ. შარშან მან ევროპის მცირე ქვეყნების ჩემპიონატზეც შეძლო ჩემპიონობის მოპოვება.

და აი, ახლა გორელმა ბირთვის მკვრელმა 23 წლამდელთა შორის ევროპის თასზე ტყორცნებში ოქროს მედლით დაიმშვენა მკერდი და შეჯიბრების რეკორდიც დაამყარა!

1121
მკითხველის კომენტარები / 1 /
avto
0
კარგი კაცი,გაიხარე
მსგავსი ამბები
რუბრიკის სხვა სიახლეები
;