ბირიუკოვმა დერიუგინთან ერთად ცხოვრება გაიხსენა 

წარსულში ცნობილმა კალათბურთელმა, მადრიდის „რეალის“ ყოფილმა მოთამაშემ ხოსე ბირიუკოვმა ინტერვიუში ილაპარაკა საბჭოთა კავშირის ნაკრების წევრის რანგში ამერიკის შეერთებულ შტატებში ტურნეზე.

„1982 წელს, პირველ ნაკრებთან ერთად ტურნეში ვიყავით ამერიკის შეერთებულ შტატებში. ალექსანდრ გომელსკიმ ნაკრებში ბევრი ახალგაზრდა კალათბურთელი შეიყვანა, რადგან ამერიკაში არ გამოფრინდნენ მოსკოვის ცსკა-ს მოთამაშეები - ისინი ჩემპიონთა ლიგაზე თამაშობდნენ. 12 მატჩიდან მხოლოდ სამი წავაგეთ.

ნომერში ნიკოლოზ დერიუგინთან ერთად ვცხოვრობდი. სან ფრანცისკოში მან დამიძახა: „წავედით. აქ კარგი ადგილები ვიცი“. დავსხედით ბარში, დავლიეთ... ამ დროს კი სასტუმროში, დაძინებიდან ნახევარი საათის შემდეგ, სუკ-ის ორმა თანამშრომელმა ნომრების შემოწმება გადაწყვიტა. ვერავინ იპოვეს და ქალაქში წავიდნენ. შიშობდნენ, რომ გავიქეცით (შტატებში ყოველთვის თან დაგვყვებოდა გამოძიების ფედერალური ბიუროს მანქანა). ღამის ორ საათზე მე და დერიუგინი ქალაქის ცენტრში გვიპოვეს: „აქ რას აკეთებთ?!“ „ძალიან ცხელოდა, ვერ დავიძინეთ და გასეირნება გადავწყვიტეთ“. დილით გომელსკი ზრდილობის გამო გაგვიწყრა: „უფრო სერიოზულად“. მომდევნო ღამეს ყველაფერი განმეორდა.

უნივერსიტეტების ქალაქებში ვცხოვრობდით, ამიტომაც ყოველ ღამით მივდიოდით იქ, სადაც სტუდენტები იკრიბებოდნენ. თავიდან ერთმანეთს, როგორც ველურებს, ისე ვუყურებდით, შემდეგ კი მივხვდით, რომ ჩვენ ყველანი ნორმალური ბიჭები ვიყავით, ყოველგვარი რქებისა და კუდების გარეშე. სიმართლე გითხრათ, ცხოვრებაში იმდენი სექსი არ მქონია, რამდენიც მაშინ ამერიკაში ყოფნის დროს“, - განაცხადა ბირიუკოვმა.

ყოველდღიური სპორტული გაზეთი "ლელო"
1221
მკითხველის კომენტარები / 0 /
მსგავსი ამბები
რუბრიკის სხვა სიახლეები
;