შოკისმომგვრელი ტრანსფერი! ასე მონათლა ევროპულმა მედიამ ბოატენგის გადასვლა ბარსელონაში

"სქაი სპორტის" ინფორმაციით, "სასუოლოს" ლიდერი კევინ-პრინს ბოატენგი "ბარსელონაში" გადადის. შოკისმომგვრელი ტრანსფერი! - ასე მონათლა ევროპულმა მედიამ 31 წლის განელი (15 მატჩი, 2 გოლი ნაკრებში) შემტევის იჯარით გადასვლა კატალონიურ გრანდში, რომელიც წინა ხაზის გაძლიერებას საჭიროებს.

ეს ნათლად გამოჩნდა "ლეგანესთან" საკვირაო მატჩში - რომ არა ლიონელ მესი, რომელიც თამაშში 64-ე წუთიდან ჩაერთო, "ბარსელონას" ძალიან გაუჭირდებოდა მოკრძალებული ოპონენტის დამარცხება. "ბარსა" ვალდებულებას იღებს, სეზონის ბოლოს ბოატენგი 8 მილიონ ევროდ გამოისყიდოს.

ბოატენგი "სასუოლოში" გასულ ზაფხულს "აინტრახტიდან" გადავიდა. მიმდინარე სეზონში მან იტალიურ კლუბში 15 მატჩი ჩაატარა და 5 გოლი გაიტანა. მას უკვე აქვს ესპანურ ლა ლიგაში თამაშის გამოცდილება, სადაც 2016-17 წლებში "ლას პალმასში" 28 მატჩი ჩაატარა და 10 გოლი გაიტანა.

1430
მკითხველის კომენტარები / 0 /
მსგავსი ამბები
რუბრიკის სხვა სიახლეები
;