ბოლტმა ლონდონში ღამის კლუბში იჩხუბა [VIDEO]

მძლეოსნობაში რვაგზის ოლიმპიური ჩემპიონი უსაინ ბოლტი ლონდონში მასობრივი ჩხუბის მონაწილე გახდა.

გაზეთ „სანის“ ინფორმაციით, 33 წლის იამაიკელი მეგობრებთან ერთად ისვენებდა ღამის კლუბში, როცა სტუმრების ორ ჯგუფს შორის კონფლიქტი წარმოიშვა, რომელიც ჩხუბში გადაიზარდა. 30 ადამიანი ერთმანეთს ქუჩაში დაერია, თუმცა, თავად ბოლტი გაშველებასა და ჩხუბის შეწყვეტას ცდილობდა.

„უსაინმა დაარტყა, რათა თავის მეგობარი დაეცვა. ყველაფერი ძალიან სწრაფად ხდებოდა, შემდეგ კი დაიწყო ერთი ერთზე ჩხუბი. ყველაფერი ძალიან საშიში ჩანდა - მეგონა, რომ ეს არასოდეს შეწყდებოდა. უბრალოდ, სიგიჟე იყო. რთული დასაჯერებელია, მაგრამ არავის მიუღია სერიოზული ტრავმა. ბევრი დარტყმა იყო, ადამიანები ერთმანეთს მიწაზე აგდებდნენ და წიხლებს ურტყამდნენ.

ბოლოს კი, როგორც მგონია, იპოვეს დამნაშავე და ბოლტმა ის მანქანასთან მიიმწყვდია. ბოლტი მშვიდობის დამყარებას ცდილობდა. მან სწრაფად ჩასვა მეგობრები მანქანაში, თავად კი ცალკე წავიდა ტაქსით“, - თქვა ერთ-ერთმა თვითმხილველმა.

იამაიკელმა სპრინტერმა უსაინ ბოლტმა მძლეოსნის კარიერა 2017 წელს დაასრულა. მოგვიანებით, მან საფეხბურთო კარიერის მოწყობა სცადა, მაგრამ არ გამოუვიდა.

ყოველდღიური სპორტული გაზეთი "ლელო"
213
მკითხველის კომენტარები / 0 /
მსგავსი ამბები
რუბრიკის სხვა სიახლეები
;