"ბორჯღალონების" მეტოქე ფიჯი ევროპას საუკეთესოებით ეწვევა

ფიჯის ნაკრების მთავარმა მწვრთნელმა ჯონ მაკკიმ გაფართოებული შემადგენლობა დაასახელა, სადაც როგორც ადგილობრივი, ისე უცხოეთში მოთამაშე ლეგიონერები მოხვდნენ. გუნდში რამდენიმე დებიუტანტიცაა. თუმცა, მოუწევთ თუ არა მათ თამაში, მაკკის გადასაწყვეტია.

ნაკრებში არიან ძალიან ძლიერი მოთამაშეები: ლეონე ნაკარავა, ნემანი ნადოლო, ვერენეკი გონევა, პატრიკ ოსბორნი, ჯოშუა ტუისოვა, ტიმოსი ნაგუსა, კინი მურიმურივალუ, ლევანი ბოტია, ნემანი ნაგუსა, აკაპუსი კერა და სხვები.

"ნოემბერში, უმძიმესი ტურნე გველის ევროპაში. მიხარია, რომ უძლიერესი შემადგენლობის თავმოყრას ვახერხებთ. მას შემდეგ, რაც ივნისის ტესტებზე წარმატებით ვიასპარეზეთ, საჭიროა მეტი შრომა და მონდომება, რათა მიღწეული შევინარჩუნოთ, ევროპაში წარმატებულად ვიასპარეზოთ.

ძალიან მძიმე გზა გვაქვს გასავლელი. პირველი თამაში იტალიის ნაკრებთან გვიწევს, რომელიც შინ მუდამ თავდადებით თამაშობს და ნებისმიერი რანგის მეტოქეს პრობლემებს უქმნის. მერე კი მსოფლიოს ერთ-ერთ საუკეთესო გუნდთან, ირლანდიის ნაკრებთან მოგვიწევს პაექრობა. ძალიან ბევრი უნდა ვიშრომოთ, რომ ამ გუნდებთან მატჩებში დადებით შედეგს მივაღწიოთ" - თქვა ფიჯელთა თავკაცმა.

მაკკიმ მხოლოდ ორი მეტოქე ახსენა და არაფერი უთქვამს კანადის ნაკრებზე, რომელსაც ფიჯელები საფრანგეთში 25 ნოემბერს ეთამაშებიან. კანადელები, გამორიცხული არაა, ასევე ჩვენს ჯგუფში მოხვდნენ მსოფლიოს თასზე იმ შემთხვევაში, თუ პლეი ოფში ურუგვაის ნაკრებს დაძლევენ.

შეგახსენებთ, რომ კანადის ნაკრები იქამდე, 11 ნოემბერს, თბილისში საქართველოს ეროვნულ გუნდს დაუპირისპირდება.

ფიჯის ნაკრები
კამპესე მააფუ, პენი რავაი, ჯოელი ვეიტაიაკი, ტუაპატი ტალემაიტოგა, რატუნაისა ნავუმა, სინია კოტო, როპატე რინაკამა, მოსესე დუსივაკი, მანასა საულო, ლეონე ნაკარავა, ტევიტა კავუბატი, აპისალომე რატუნიიარავა, დომინიკო ვაკანიბუროტუ, პესელი იატო, მოსესე ვოკა, ნემანი ნაგუსა, აკაპუსი კერა, სემი კუნატანი, ჰენრი სენილოლი, ფრანკ ლომანი, ნიკოლა მატავალუ, ბენ ვოლავოლა, ალივერეტი ვეიტოკანი, ჯალე ვატუბუა, ლევანი ბოტია, ასაელი ტიკოიროტუმა, ვერენეკი გონევა, პატრიკ ოსბორნი, ჯოშუა ტუისოვა, ტიმოსი ნაგუსა, კინი მურიმურივალუ, ერონი მავი, სიკელი ნაბოუ, ვილიამე მატა, კიტიონე ტალიგა, ჯონ სტიუარტი, ნემანი ნადოლო.

11 ნოემბერი
იტალია-ფიჯი

18 ნოემბერი
ირლანდია-ფიჯი

25 ნოემბერი
ფიჯი-კანადაю

ყოველდღიური სპორტული გაზეთი "ლელო"

1698
მკითხველის კომენტარები / 0 /
რუბრიკის სხვა სიახლეები
;