ბორჯღალოსნების ერთ-ერთმა ლიდერმა დავით კაჭარავამ კარიერა დაასრულა

საქართველოს მორაგბეთა ნაკრების ცენტრი და ერთ-ერთი ლიდერი, 35 წლის დავით კაჭარავა სოციალურ ქსელში განცხადებას ავრცელებს კარიერის დასრულებასთან დაკავშირებით:

"გამარჯობა! დადგა დღე რომელიც ჩემთვის ძალიან ემოციურია! დღე როდესაც ჩემი რაგბის კარიერა დასრულდა! როგორც სანაკრებო ასევე საკლუბო. მინდა მადლობა ვუთხრა ჩემს გულშემატკივრებს, რომლებიც მუდმივად გვერდში მედგნენ, როგორც წარმატებულ ასევე ყველაზე მძიმე პერიოდშიც.

მადლობა ჩემს ოჯახის წევრებს, მეგობრებს ხელშეწყობისთვის!

მადლობა რაგბის ფედერაციის ყველა თანამშრომელს ვინც წლების მანძილზე თავისი შრომით, ერთი აგურის დადებით მაინც შეიტანა წვლილი რაგბის განვითარებაში.

მადლობა კლუბ "ყოჩებს", მის პრეზიდენტს გუგა გეგენავას, მადლობა მწვრთნელებს!

განსაკუთრებული მადლობა ნუგზარ მალაღურაძეს, მისი მწვრთნელობის პერიოდში მოხდა ჩემი ძირითადი ფასეულობების ჩამოყალიბება.

მეამაყება რომ მრავალი წლის მანძილზე ერთ-ერთი ყველაზე წარმატებული გუნდის, საქართველოს მორაგბეთა ეროვნული ნაკრების წევრი ვიყავი. მადლობა ეროვნული ნაკრების ყველა მოთამაშეს ვის გვერდშიც მითამაშია.

მადლობა რაგბის, მადლობა საქართველოს, იმისთვის რომ მენდო, იმისთვის რომ მომცა შანსი მისი წარმატებისთვის მებრძოლა.

რაგბიმ ბევრად მეტი მომცა ვიდრე მე დავუბრუნე!

მე ყოველთვის მორაგბედ და მორაგბეების გულშემატკივრად დავრჩები....

თქვენს გვერდში ვიქნები ბიჭებო, რითიც და როგორც შემეძლება....

წარმატებას ვუსურვებ ქართულ რაგბის!

რაგბი ჩვენი თამაშია!

მადლობა!


დავით კაჭარავა საქართველოს მორაგბეთა ნაკრებში 2006-დან 2020 წლებში თამაშობდა. ამ ხნის განმავლობაში მან "ბორჯღალოსანთა" შორის 122 კეპი (125 ქულა) მოიხვეჭა.

ითამაშა ფრანგული კლუბების - "ნიცასა" და "როდეზის" შემადგენლობაში, ბოლოს კი რუსული "ენისეის" მორაგბე იყო.

395
მკითხველის კომენტარები / 1 /
მაღლაკელიძე მერაბ
0
კაჭძ შეუდარებელი იყო ნაკრებისთვის, მაგრამ რას იზამ. ჩვენი ოქროს თაობა.
მსგავსი ამბები
რუბრიკის სხვა სიახლეები
;