ბორჯღალოსნების მეტოქე: ავსტრალია ბლედისლოუსთვის

საქართველოს ნაკრების მეტოქე 2019 წლის მსოფლიოს თასზე, ავსტრალიის ეროვნული გუნდი მომავალ უქმეებზე გასამართავი ბლედისლოუს თასის მესამე დაპირისპირებისთვის ემზადება.

"ვოლაბების" თავკაცმა მაიკ ჩეიკამ გაფართოებული შემადგენლობა დაასახელა, რომელშიც რამდენიმე ახალი მოთამაშეა. ჩეიკამ, შეიძლება ითქვას, რომ ნაკრებში დააბრუნა უკანახაზელი კარლმაიკლ ჰანტი, რომელმაც თავი შესანიშნავად წარმოაჩინა ივნისის ტესტებზე. თუმცა, მას ძირითად შემადგენლობაში ადგილის დასამკვიდრებლად დიდი ბრძოლის გადატანა მოუწევს.


"ეჭვი მეპარება, ჰანტი სამატჩო განაცხადში მოხვდეს. მას სერიოზული კონკურენტები ჰყავს - კართლი ბილი და რის ჰოგი. ჰანტმა, მუდამ უნდა ამტკიცოს, რომ ნაკრებში თამაშის ღირსია." - თქვა მაიკ ჩეიკამ.

"ვოლაბების" თავკაცმა გუნდში უხმო ასევე "რედსის" ფლანკერს ადამ კორზაიკს, შუამარბ აიზია პერესს, "ბრამბიზის" მეორეხაზელ რორი არნოლდს და "რებლზის" მესამეხაზელ ლოპეტი ტიმანის.

შეგახსენებთ, რომ ავსტრალიელები ბრისბენში ბლედისლოუს თასისთვის მესამე მატჩში, 21 ოქტომბერს, ბრისბენში, ახალი ზელანდიის ნაკრებს დაუპირისპირდებიან.

ნოემბრის ტესტებზე კი "ვოლაბების" მეტოქეები უელსის, ინგლისისა და შოტლანდიის ნაკრებები იქნებიან.


ავსტრალია
შერკინება: ალან ალაალატოა, რორი არნოლდი, ადამ კოლემანი, ჯეკ დემპსი, ტეტერა ფოლკნერი, ნედ ჰანიგანი, მაიკლ ჰუპერი, სეკოპე კეპუ, ადამ კორსაიკი, შონ მაკმაჰონი, სტივენ მური, ტატაფუ პოლოტა-ნაუ, ტომ რობერტსონი, იქზეკ როდა, რობ საიმონსი, სკოტ სიო, ლოპეტი ტიმანი, ლუკ ტუი, ჯორდან ულისი
უკანა ხაზი: კარტლი ბილი, ისრაელ ფოლაუ, ბერნარ ფოლი, ვილი გენია, რიის ჰოგი, კარმაიკლ ჰანტი, სემუ კერევი, მარიკა კოროიბეტე, ტევიტა კურიდრანი, ბილი მიკსი, აიზეა პერესი, ნიკ ფიპსი, ჯო პოუელი, კარტის რონა, ჰენრი სპისი.

ყოველდღიური სპორტული გაზეთი "ლელო"

1968
მკითხველის კომენტარები / 0 /
მსგავსი ამბები
რუბრიკის სხვა სიახლეები
;