ბორჯღალოსნების მეტოქე: წითელი ურჩხულების ხუთი დებიუტანტი

საქართველოს ნაკრების მეტოქის 2019 წლის მსოფლიოს თასის გათამაშებასა და წლევანდელ ნოემბრის ტესტებზე, უელსის ეროვნული ნაკრების მთავარმა მწვრთნელმა უორენ გეტლენდმა გუნდის გაფართოებული, 36-კაციანი სია დაასახელა.

უელსელები ნოემბრის ტესტებზე ოთხ მატჩს გამართავენ. "ბორჯღალოსნების" გარდა "წითელი ურჩხულები" ავსტრალიის, ახალი ზელანდიისა და სამხრეთ აფრიკის ნაკრებებს უმასპინძლებენ.

გუნდში ხუთი დებიუტანტია. ესენია: ლეონ ბრაუნი, ელიოტ დი, სემ კროსი, ოუენ ვოტკნი და ჰადლი პარქსი. ამასთან ერთად, გუნდში ექვსი ისეთი მორაგბე მოხვდა, რომლებსაც დებიუტი ნაკრებში წლეულს, ივნისის ტესტებზე ჰქონდათ. ესენია: ვინ ჯოუნზი, სებ დევისი, ადამ ბირდი, ალედ დევისი, ოუენ უილიამსი და სტეფ ევანსი.

საგულისხმოა, რომ გამოძახებულთა შორის ცხრა მორაგბემ წლეულს "ბრიტანელი ლომების" შემადგენლობაში იასპარეზა. ესენია: კენ ოუენსი, ალან ვინ ჯოუნზი, ჯასტინ ტიპურიკი, ტაულუპე ფალეტაუ, რის ვები, დენ ბიგარი, ჯონათან დევისი, ლუ ჰალპფენი და ლიამ უილიამსი.

"2019 წლის მსოფლიოს თასის გათამაშების დაწყებამდე ორი წელწადი დარჩა. ამიტომ, გუნდში ახალი მოთამაშეები მრავალად მოვიწვიეთ. გათვლა, სწორედ ორი წლის შემდეგ გასამართ უმნიშვნელოვანეს ტურნირზე გვაქვს.

ნოემბრის ტესტები ძალიან კარგი საშუალებაა, მოთამაშეები საქმეში ვნახოთ. იმათ, კი ვინც ამჟამად გუნდში ვერ მოხვდა, მინდა ვუთხრა, რომ ნაკრების კარი არავისთვის დაკეტილი არ არის" - თქვა უელსის ნაკრების თავკაცმა უორენ გეტლენდმა.

უელსის ნაკრები
შერკინება: რობ ევანსი, ვინ ჯოუნზი, ნიკ სმითი, ლეონ ბრაუნი, ტომას ფრენსისი, სამსონ ლი, კრისტიან დესი, ელიოტ დი, კენ ოუენსი, ჯეკ ბეილი, ადამ ბირდი, სებ დევისი, კორი ჰილი, ალან ვინ ჯოუნზი, სემ კროსი, ტაულუპე ფალეტაუ, დენ ლიდიატი, ჯოშ ნევიდი, აარონ შინგლერი, ჯასტინ ტიპურიკი.
უკანა ხაზი: ალედ დევისი, გარეთ დევისი, რის ვები, დენ ბიგარი, რის პეტჩელი, რის პრესტლენდი, ოუენ უილიამსი, ჯონათან დევისი, ტაილერ მორგანი, ჰადლი პარკსი, ოუენ ვოტკინი, ჰალამ ემოსი, ალექს კატბერტი, სტეფ ევანსი, ლი ჰალპფენი, ლიამ უილიამსი.

ყოველდღიური სპორტული გაზეთი "ლელო"
682
მკითხველის კომენტარები / 0 /
მსგავსი ამბები
რუბრიკის სხვა სიახლეები