ბორჯღალოსნები: ათში ათი?

ხვალ, საქარველოს ნაკრები ვაკეში ესპანეთის ეროვნულ გუნდს დაუპირისპირდება. "ბორჯღალოსნებმა" გუშინ ღია ვარჯიში გამართეს, რომლის შემდეგაც მილტონ ჰეიგმა საბრძოლო რაზმი დაასახელა.

ორი კვირის წინათ გერმანიასთან გამართული მატჩის შემდეგ, ახალზელანდილემა მწვრთნელმა მილტონ ჰეიგმა ძირითად შემადგენლობაში ოთხი მორაგბე შეცვალა. შერკინების მეორე ხაზში წლეულს პირველად ითამაშებს შალვა სუთიაშვილი და გუნდის კაპიტანს, გიორგი ნემსაძეს შეუწყვილდება. მიხეილ გაჩეჩილაძის ნაცვლად, მესამე ხაზში დაბრუნდება გიორგი თხილაიშვილი, რომელიც ამ სეზონში ვიქტორ კოლელიშვილთან და ლაშა ლომიძესთან ერთად პირველად ითამაშებს.

წლეულს ძირითად შემადგენლობაში პირველად ითამაშებს ცხრა ნომერი ვასილ ლობჟანიძე, რომელიც განვლილ ორ თამაშში სათადარიგო იყო. ტრავმა მოიშუშა და ბექა წიკლაურის ნაცვლად ფულბეკად ითამაშებს სოსო მათიაშვილი. სხვა უკანახაზელები - ლაშა ხმალაძე, ანზორ სიჭინავა, გიორგი კვესელაძე, დავით კაჭარავა და ალექსანდრე თოდუა ისევ ძირითად შემადგენლობაში არიან.

3 მარტს ალექსანდრე თოდუა 70-ე, ლაშა ხმალაძე მე-60, ხოლო ვასილ ლობჟანიძე 30-ე კეპს მოიხვეჭენ.

პირველი ხაზში სათადარიგოები არიან, არიან ბადრი ალხაზიშვილი, ზურაბ ჟვანია და გიორგი მელიქიძე. მეორე ხაზის შემცვლელი ოთარ გიორგაძე იქნება, მესამე ხაზს კი, მიხეილ გაჩეჩილაძე გააძლიერებს, რომელიც გერმანელებთან მატჩში ძირითად შემადგენლობაში იყო. ისევ სათადარიგოთა შორისაა ლაშა მალაღურაძე, აქვე დაიკავა ადგილი ცხრა ნომერმა გელა აფრასიძემ, ხოლო გარემარბი გიორგი კოშაძე, რომელმაც ტრავმა ახლახანს მოირჩინა, წლეულს ნაკრების კვართს პირველად მოირგებს.

გადახალისებული შემადგენლობით ითამაშებს ესპანეთის ნაკრებიც. რუმინეთის მომგები გუნდიდან შემადგენლობაში ხუთი მორაგბეა. თუმცა, მრავლად არიან ნატურალზებული მოთამაშეები და არა მხოლოდ საფრანგეთიდან. მაგალითად: დანიელ სნი, ჟოშია პიტერსი, მეთიუ ფულდსი, კალო გავიდი, აფაესე ტაული, გრეგორი მაიკესი და ინაკი მატეუ. განაცხადში არ არის, "გრენობლის" მგეზავი დავიდ მელე.

ესპანეთის ნაკრები 2019 წლის მსოფლიოს თასის საგზურისთვის იბრძვის და უმნიშვნელოვანესი ორი მატჩი ბელგიისა და გერმანიის ნაკრებებთან წინ აქვს.

ესპანეთის ნაკრებთან ბოლოს 2012 წელს, მადრიდში წავაგეთ 18:25. სულ კი, "ბორჯღალოსნებმა" "ლომებთან" 18-ჯერ ითამაშეს, აქედან 14 მატჩი ჩვენი ნაკრების გამარჯვებით დასრულდა, სამში ესპანელებმა ივარგეს და ერთშიც ფრეს დავჯერდით. ყველაზე დიდი სხვაობით ესპანელებს 2011 წელს, სწორედ ვაკის სტადიონზე 60:0 მოვუგეთ.

შეგახსენებთ, რომ თამაში ხვალ 18 საათზე დაიწყება.

საქართველო-ესპანეთი

საქართველო: 15. სოსო მათიაშვილი, 14. ალექსანდრე თოდუა, 13. დავით კაჭარავა, 12. გიორგი კვესელაძე, 11. ანზორ სიჭინავა, 10. ლაშა ხმალაძე, 9. ვასილ ლობჟანიძე. 1. მიხეილ ნარიაშვილი, 2. შალვა მამუკაშვილი, 3. ლევან ჩილაჩავა, 4. შალვა სუთიაშვილი, 5. გიორგი ნემსაძე, 6. გიორგი თხილაიშვილი, 7. ვიქტორ კოლელიშვილი, 8. ლაშა ლომიძე.
16. ბადრი ალხაზაშვილი, 17. ზურაბ ჟვანია, 18. გიორგი მელიქიძე, 19. ოთარ გიორგაძე, 20. მიხეილ გაჩეჩილაძე, 21. გელა აფრასიძემ 22. ლაშა მალაღურაძე, 23. გიორგი კოშაძე

ესპანეთი: 15. რიკარდო პელიკონი, 14. ხავიერ კერიონი, 13. ხუან ლოსადა, 12. ტიბო ალვარესი, 11. ფედერიკო კასტილიონი, 10. დანიელ სნი, 9. სებასტიან რუე. 1. ფერნანდო ლოპესი, 2. ქუენტინ გარსია, 3. ხესუს მორენო, 4. დავიდ გონსალესი, 5. ჯოშუა პიტერსი, 6. ასიერ უსარაგა, 7. მეთიუ ფულდსი, 8. კალო გავიდი
16. ხუან ბატის კუსტოხა, 17. სტეფან ბარნსი, 18. მანუელ მორა, 19. აფაესე ტაული, 20. გრეგორი მაიკესი, 21. ინაკი მატეუ, 22. ხულიენ გოია, 23. ალბერტო ბლანკო

სატურნირო მდგომაროება
თ მ ფ წ ბ ქ(პ)
1. საქართველო 2 2 0 0 +111 10(2)
2. ესპანეთი 2 2 0 0 +19 8(0)
3. რუსეთი 2 1 0 1 +34 6(2)
4. რუმინეთი 2 1 0 1 +67 5(1)
5. ბელგია 2 0 0 2 -88 0(0)
6. გერმანია 2 0 0 2 -143 0(0)

III ტური
3 მარტი
რუმინეთი-რუსეთი
ბელგია-გერმანია

1273
მკითხველის კომენტარები / 0 /
მსგავსი ამბები
რუბრიკის სხვა სიახლეები