ბორჯღალოსნები. ახლა უკვე შოტლანდიაში: ლელოს ნატრულნი...

საქართველოს მორაგბეთა ნაკრებმა მსოფლიოს თასის წინ ბოლო ტესტ-მატჩი გამართა. ამჯერად ჩვენი მოწინააღმდეგე შოტლანდია იყო, რომელმაც მასპინძლის სტატუსი ბოლომდე გაამართლა და დამაჯერებელი თამაშით მოიგო - 36:9.

შეგახსენებთ, რომ "ბორჯღალოსნებმა" ამავე გუნდთან ერთი კვირის წინ თბილისში ითამაშეს და 10:44 დათმეს. ამ ანგარიშთან შედარებით 9:36 უკეთესია, მაგრამ სათქმელია ისიც, რომ ასეთი თამაშით მსოფლიოს თასზე ჯგუფიდან გასვლა გაგვიჭირდება. ჩვენს ჯგუფში კი ფიჯის გარდა ორი მონსტრია - ავსტრალია და უელსი. ორივე საჩემპიონოდ "იჭიმება".

რაც შეეხება შოტლანდიას, საქართველოსთან მატჩით თუ ვიმსჯელებთ მეტად აწყობილი გუნდია და იაპონიაში დაგეგმილ მსოფლიოს თასზე მაღალ პოზიციებზე რომ მოხვდეს გასაკვირი სულაც არ იქნება.

სკოტებმა რამდენი ლელო გაგვიტანეს (6), ამაზე ყურადღების გამახვილება საინტერესო სულაც არ არის. ჩვენთვის მნიშვნელოვანია, ქართველებმა რამდენი გაიტანეს. ჩვენს გუნდს ლელო არ ჰქონია: ცხრავე ქულა საჯარიმოების შედეგია - სამივე აბჟანდაძემ გაიტანა პირველ ტაიმში.

rugby.ge-ს ფოტოები

2845
მკითხველის კომენტარები / 0 /
მსგავსი ამბები
რუბრიკის სხვა სიახლეები
;