ბორჯღალოსნები. გიორგი ჩხაიძის მოულოდნელი პოსტი: არ ხარ შენ კაი კაცი, მილტონ!

მეტად მოულოდნელი იყო საქართველოს ნაკრების ყფილი მორაგბის, გიორგი ჩხაიძის გამოხმაურება საქართველოს ნაკრების საიაპონიე შემადგენლობასთან დაკავშირებით. გიორგი მწვრთნელ მილტონ ჰეიგს მერაბ კვირიკაშვილის განაცხადს მიღმა დატოვებისთვის აკრიტიკებს:

"ბიჭებს ვულოცავ და წარმატებას ვუსურვებ!

ახლა რაც შეეხება იმ მოთამაშეს, რომელსაც 4 მსოფლიო აქ ნათამაშები და მეხუთეზე უნდა წასულიყო. ცოტა ხომ არ გააფრინეთ თქვე ოჯახაშენებულებო! სულ მსოფლიოში 2 კაცს აქვს ნათამაშები 5 მსოფლიო თასი, ისტორიაში არიან ჩაწერილები და ის ქვეყნები ამაყობენ ამით. არც ლიმას მოუწყვეტია ვარსკვლავები, არც ბერგამასკოს გაუტანია 5 ლელო ბოლო მსოფლიოზე, მაგრამ ადამიანს ის შრომა და თავდადება დაუფასეს
მაინც.

მე როგორც ვიცი, 3 კვირაზე მეტია მეკოს ფეხი აწუხებს და წესიერი რეაბილიტაცია არ ჩაუტარეს, მიუხედავად იმისა, რომ ნაკრებს საკმაოდ გამოცდილი (სამედიცინო) სტაფი ჰყავს. იმ პატარა კლოუნს, რომელსაც სულით ქართველს უძახით, იმდენი შეგნება თუ არ აქვს, რომ ეს საქართველოსთვის აუცილებელია, მაშინ ვიღაცამ უნდა უთხრას ან უნდა დაავალოს! იმიტომ, რომ ეს ქვეყნისთვის არის აუცილებელი!!!

რა გჭირთ ამ ფედერაციაში, რა შეგაშინათ ასე ამ გადაჭრილმა კაცმა? მაგას პროფესიონალიზმი აღარ ჰქვია.
ამის დაწერისთვის მეკო ძალიან გამინაწყენდება, მაგრამ არა უშავს. ეს ასე უნდა ყოფილიყო, ისედაც დიდი ხანია ვითმენ.

არ ხარ შენ კაი კაცი, მილტონ."

გიორგი ჩხაიძე (ბინგო)

5119
მკითხველის კომენტარები / 5 /
კალო
0
4 მსოფლიო თასის თამაში 1 კაცობას ვერ გმატებს.
ვაი შენს პატრონს.
0
ჩხაიძე, შენ არ ხარ კაი კაცი. უმადური!!!
რაც ჰეიგმა გააკეთა ის არც დაგესიზმრებოდათ, უელსთან და შოტლანდიას ვინ გათამაშებდა...
მსგავსი ამბები
რუბრიკის სხვა სიახლეები
;