ბორჯღალოსნები. ესპანეთიც დავიმორჩილეთ და ქარიც - 24:10 [VIDEO]

საქართველოს მორაგბეთა ნაკრებმა ესპანეთს უმასპინძლა. მიუხედავად დიდი მონდომებისა დასავლელი იბერიელები ქართველთა მიძალების შეჩერებას ვერ ახერხებდნენ და პირველი ტაიმი 5:12 დათმეს.

საწყის 20 წუთში ჩვენმა მორაგბეებმა ორი ლელო დადეს. მე-14 წუთზე ეს გორგაძემ გააკეთა, ხოლო 30-ზე ჩილაჩავამ.

მეორე ტაიმში ქარი საქართველოს ნაკრების ჩათვლის ხაზისკენ უბერავდა. შესაბამისად, ძლიერი დარტყმით მოგერიება ვერ მოხერხდებოდა, ამიტომ ჩვენმა გუნდმა აქცენტი ხელდახელ თამაშზე და მოლზე გააკეთა. შედეგიც შესაბამისი იყო - ესპანელებს ზედიზედ ორი ყვითელი ბარათი მივაღებინეთ, ჩვენ კი ორი ლელო დავდეთ: 64-ე წუთზე ლობჟანიძემ, ხოლო 70-ზე ქერდიყოშვილმა.

მატჩის საუკეთესო მორაგბედ ლევან ჩილაჩავა დასახელდა.

ასე და ამგვარად, საქართველოს ნაკრებს წლეულს ორიდან ორი მატჩი აქვს მოგებული. ჯერ რუმინეთში გაიმარჯვა, ახლა - თბილისში ესპანეთთან.

ვანო გორგიშვილის და გიორგი ჟამერაშვილის ფოტოები

1218
მკითხველის კომენტარები / 0 /
მსგავსი ამბები
რუბრიკის სხვა სიახლეები
;