ბორჯღალოსნები კვირის მატჩისთვის ესპანეთში ემზადებიან

საქართველოს ნაკრები კვირას, 9 თებერვალს, მადრიდში რაგბი ევროპის ჩემპიონატის მეორე ტურის მატჩში ესპანეთის ეროვნულ გუნდს დაუპირისპირდება. „ბორჯღალოსნები“ დღეს დილით გაემგზავრნენ და მომავალი თამაშისთვის ადგილზე განაგრძობენ მზადებას.

საქართველოს ნაკრებს ტრავმების გამო გიორგი კვესელაძე და მირიან მოდებაძე დააკლდა. კონსტანტინე მიქაუტაძემ კი, ნაკრების ბანაკი ოჯახური მდგომარეობის გამო დატოვა. ჯერაც უცნობია შეძლებენ თუ არა თამაშს ოთარ გიორგაძე და ბექა საღინაძე. გუნდს გარემარბი აკაკი ტაბუცაძე დაემატა.

ესპანელები კი, „ბორჯღალოსნების“ დასახვედრად დიდი მონდომებით ემზადებიან.  ლომების მთავარმა მწვრთნელმა სანტიაგო სანტოსმა, შემადგენლობის გაძლიერება გადაწყვიტა და ნაკრებში კიდევ ხუთ ლეგიონერს უხმო. ესენია: „ბეზიეს“ 32 წლის კვაჭი მარკო პინტო, „პოს“ ფულბეკი შარლ მალი, ინგლისის ქვედალიგელი, „ბლექჰართის“ მეორეხაზელი ჯოშუა პიტერსი, „ბიარიცის“ მესამეხაზელი ასიერ უსარაგა და „ლა როშელის“ სათადარიგო გუნდის უკანახაზელი მარტინ ალონსო, რომელსაც ნაკრების კვართით ჯერ არ უთამაშია.

აღსანიშნავია, რომ საქართველოსა და ესპანეთის ნაკრებებს დღემდე ერთმანეთთან 20-ჯერ უთამაშიათ და აქედან 16 მატჩში გამარჯვება ჩვენს გუნდს დარჩა, 3-ჯერ მეტოქემ გაიმარჯვა, ხოლო ერთი თამაში ფრედ დასრულდა.


საქართველოს ნაკრები


შერკინება: მიხეილ ნარიაშვილი (მონპელიე), გურამ გოგიჩაშვილი (რასინგი), გიორგი თეთრაშვილი (აჟენი), შალვა მამუკაშვილი (ყოჩები), ვანო კარკაძე (ბრივი), გიორგი ჭყოიძე (ლოკომოტივი პენზა), ლევან ჩილაჩავა (მონპელიე), ბექა გიგაშვილი (ტულონი), გიორგი მელიქიძე (სტად ფრანსე), ნოდარ ჭეიშვილი (ლონდონ სქოტიში), შალვა სუთიაშვილი (ანგულემი), დავით გიგაური (კოლომიე), ლაშა ჯაიანი (ექსეტერის უნივერსიტეტი), ბექა გორგაძე (ბორდო), ბექა საღინაძე (ორიაკი), გიორგი ცუცქირიძე (ორიაკი), ოთარ გიორგაძე (ბრივი), მიხეილ გაჩეჩილაძე (ენისეი), გიორგი თხილაიშვილი (ბათუმი)

უკანა ხაზი: ვასილ ლობჟანიძე (ბრივი), გელა აფრასიძე (მონპელიე), გიორგი ბეგაძე (ჯიქი), ლაშა ხმალაძე (ბათუმი), თედო აბჟანდაძე (ბრივი), დავით კაჭარავა (ენისეი), თამაზ მჭედლიძე (რუანი), ლაშა მალაღურაძე (ვვა), ზურაბ ძნელაძე (ლოკომოტივი), ალექსანდრე თოდუა (ბათუმი), აკაკი ტაბუცაძე (ლელო), დემურ თაფლაძე (ლელო), სოსო მათიაშვილი (ლელო)

454
მკითხველის კომენტარები / 0 /
რუბრიკის სხვა სიახლეები
;