ბორჯღალოსნები. მილტონ ჰეიგი: ვარჩიეთ ხელდახელ გვეთამაშა

ესპანეთთან მოგების შემდეგ საქართველოს ნაკრების მთავარი მწვრთნელი მილტონ ჰეიგი ბუნებრივად შერჩეულ ტაქტიკაზე ლაპარაკობდა:

"პირველ ტაიმში შერკინებაში პრობლემები გვქონდა. გურამ გოგიჩაშვილი ახალგაზრდა მორაგბეა და მის წინააღმდეგ ბევრად გამოციდლი მეტოქე იდგა. გამოჩნდა, რომ მას უჭირდა. ეს დროულად შევამჩნიეთ და შევცვალეთ. თუმცა, ეს სულაც არ აკნინებს მას და მის სარაგბო თვისებებს. მისთვის ესპანეთთან მატჩი მძიმე გამოდგა.

პირველ ტაიმში ქარის მიმართულებით ვთამაშობდით. ქარს ბურთი წინ მიქონდა და ვარჩიეთ ხელდახელ არ გვეთამაშა. მეორე ნახევარში ყველაფერი რადიკალურად შეცვალა და თამაშიც უფრო სანახაობრივი გამოგვივიდა.

ახალი მორაგბეების თამაშით ძალიან კმაყოფილნი ვართ. მინდა, გამოვყო გრიგორ ქერდიყოშვილი, რომელიც ნოემბრის ტესტების დროსაც გუნდთან ერთად იყო. თუმცა, თამაშის საშუალება არ მისცემია. მიუხედავად ამისა, მას ერთხელაც არ დაუწუწუნია. შრომა დაუფასდა, გამოვიდა და პირველივე სანაკრებო მატჩში ლელო მიითვალა. ერთი სიტყვით, მისით და ყველა ახალი მოთამაშის გარჯით კმაყოფილი ვარ."

1128
მკითხველის კომენტარები / 0 /
მსგავსი ამბები
რუბრიკის სხვა სიახლეები
;