ბორჯღალოსნები. მილტონ ჰეიგმა 36 მორაგბე შეარჩია

საქართველოს ნაკრები "ევროპა რაგბის ჩემპიონატის" პირველ მატჩს 10 თებერვალს, ქუთაისში ბელგიის ნაკრების წინააღმდეგ გამართავს. ერთი კვირის თავზე კი სტუმრად დაუპირისპირდება გერმანიის ეროვნულ გუნდს.

ამ ორი მატჩისთვის "ბორჯღალოსნების" ახალზელანდიელმა თავკაცმა მილტონ ჰეიგმა 36 მორაგბე შეარჩია. გაფართოებულ შემადგენლობაში ორი ისეთი მორაგბეა, რომელებსაც "ბორჯღალოსნების" კვართით ჯერ არ უთამაშიათ. ორივე მესამეხაზელია - მიხეილ გაჩეჩილაძე (ენისეი) და გურამ შენგელია (ჯიქი).

ტრავმების გამო გაფართოებულ შემადგენლობაში არ არიან: ბექა გორგაძე (მონ დე მარსანი), ბექა ბიწაძე (ნარბონი), დავით ქუბრიაშვილი (მონპელიე) და გიორგი ჩხაიძე (დიჟონი).

ტრავმა მოიშუშა, თუმცა ეროვნულ გუნდში არ გამოუძახიათ სოსო ბეკოშვილი (ბრივი). ამ ეტაპზე გუნდში არ არის "ანგულემის" კაპიტანი, მესამეხაზელი შალვა სუთიაშვილი და "აჟენის" უკანახაზელი თამაზ მჭედლიძე.

განცხადში არ არის ასევე შერკინების კვაჭი ჯაბა ბრეგვაძე, რომელმაც ზე რაგბიში მოასპარეზე "სანვულვზთან" გააფორმა ხელშეკრულება და იაპონიაში გაემგზავრა.

"ვიწყებთ მზადებას 2019 წლის მსოფლიოს თასისთვის. ვგეგმავთ იმ შემადგენლობისა და გეგმების წარდგენას, რომელიც გავლენას იქონიებს 2019 წლის მსოფლიოს თასის სტრატეგიასა და მიზნებზე.

იმ მორაგბეებმა, რომლებსაც უახლოესი 12 თვის განმავლობაში შევარჩევთ, უნდა გაითვალისწინონ, რომ ამ პერიოდში მათ დიდი ყურადღებით დავაკვირდებით, რათა დავადგინოთ, ნამდვილად იმსახურებენ თუ არა, რომ იაპონიაში ჩვენს ქვეყანას წარმოადგენდნენ.

გაფართოებული შემადგენლობა, რომელიც რაგბი ევროპის ჩემპიონატის პირველი ორი თამაშისთვის დავასახელეთ, შედგება გამოცდილი, სტაბილური მოთამაშეებისგან. მათ საკუთარი შესაძლებლობები არაერთხელ დაამტკიცეს.

ასევე არიან ახალგაზრდა მორაგბეები, რომლებზეც ვფიქრობთ, რომ კარგი მომავალი აქვთ. მათ შორის შევარჩიეთ ის ადგილობრივი მოთამაშეები, რომლებიც ბოლო ოთხი თვის განმავლობაში გულმოდგინედ ვარჯიშობენ და საუცხოოდ ირჯებიან საქართველოს ჩემპიონატის თამაშებში.

მსოფლიოს თასისთვის მზადების ოფიციალურად დაწყებამდე სულ რაღაც 18 თვე დარჩა და თითოეულ მორაგბეს განსაკუთრებული ყურადღება მიექცევა. ყველას, ვისაც სურს, რომ 2019 წლის მსოფლიოს თასზე იასპარეზოს, ძალ-ღონე არ უნდა დაიშუროს და ბევრი იშრომოს" - თქვა Rugby.ge-სთან საუბრისას საქართველოს ნაკრების მთავარმა მწვრთნელმა მილტონ ჰეიგმა.

საქართველოს ნაკრები

პირველი ხაზი: მიხეილ ნარიაშვილი (მონპელიე), კარლენ ასეიშვილი (ბრივი), ზურაბ ჟვანია (სტად ფრანსე), თორნიკე მატარაძე (ლიონი), შალვა მამუკაშვილი (ლოკომოტივი), ბადრი ალხაზაშვილი (ტულონი), გიორგი ჭყოიძე (ჯიქი), ლევან ჩილაჩავა (ტულონი), ანტონ ფეიქრიშვილი (კარდიფი), ლაშა ტაბიძე (ბორდო)

მეორე ხაზი: გიორგი ნემსაძე (ბრისტოლი), კონსტანტინე მიქაუტაძე (მონპელიე), ნოდარ ჭეიშვილი (შამბერი)

მესამე ხაზი: ვიქტორ კოლელიშვილი (კლერმონი), ლაშა ლომიძე (ლონდონ აირიში), გიორგი თხილაიშვილი (ბათუმი), ოთარ გიორგაძე (კლერმონი), გიორგი ცუცქირიძე (ორიაკი), მიხეილ გაჩეჩილაძე (ენისეი), გურამ შენგელია (ჯიქი)

#9: გელა აფრასიძე (მონპელიე), ვასილ ლობჟანიძე (ბრივი), გიორგი ბეგაძე (ლოკომოტივი).
#10: ლაშა ხმალაძე (ბათუმი), რეზო ჯინჭველაშვილი (არმაზი), ლაშა მალაღურაძე (კრასნი იარი)

#12-13: მერაბ შარიქაძე (ორიაკი), დავით კაჭარავა (ენისეი), გიორგი კოშაძე (ხარები), გიორგი კვესელაძე (არმაზი)
#11-14: ანზორ სიჭინავა (აკადემია), გიორგი ფრუიძე (კრასნი იარი), ალექსანდრე თოდუა (ლელო)
#15: მერაბ კვირიკაშვილი (ლელო), სოსო მათიაშვილი (კრასნი იარი), ბექა წიკლაური (ლოკომოტივი)

10 თებერვალი
საქართველი-ბელგია

17 თებერვალი
გერმანია-საქართველო

3 მარტი
საქართველო-ესპანეთი

10 მარტი
რუსეთი-საქართველო

18 მარტი
საქართველო-რუმინეთი

ყოველდღიური სპორტული გაზეთი "ლელო"
2070
მკითხველის კომენტარები / 0 /
მსგავსი ამბები
რუბრიკის სხვა სიახლეები
;