ბორჯღალოსნები პირველი ტაიმის შემდეგ კანადას ამარცხებენ [VIDEO]

საქართველოს მორაგბეთა ეროვნული ნაკრები ნოემბერის პირველ ტესტ-მატჩს კანადის ნაკრებთან მართავს. თბილისში, "დინამო არენაზე" მიმდინარე შეხვედრაში პირველი ტაიმი დასრულდა. "ბორჯღალოსნები" ანგარიშით 23:8 იგებენ.

ანგარიში ქართველმა მორაგბეებმა უკვე მე-2 წუთზე, ახალგაზრდა სოსო მათიაშვილის ლელოთი გახსნეს. თბილისის "აკადემიის" მორაგბემ თავადვე გარდასახა, ამის შემდეგ კი შესვენებამდე სამჯერ საჯარიმოდან გაიტანა. მათიაშვილმა მხოლოდ ერთი საჯარიმო ვერ გამოიყენა.

მეორედ ლელო ქართველმა მორაგბეებმა მსაჯის მიერ კომპენსირებულ დროში გაიტანეს - შეტევა გიორგი ნემსაძემ დააგვირვინა, მათიაშვილმა კი გარდასახა და ტაიმიც დასრულდა.

რაც შეეხება კანადელებს, მათ ერთი ლელოს (ტეილორ პარისი) და ჯარიმის (პატრიკ პერფერი) გატანა მოახერხეს.

საქართველოს ნაკრები შეხვედრას ამ შემადგენლობით მართავს:
15. სოსო მათიაშვილი, 14. გიორგი კოშაძე, 13. დავით კაჭარავა, 12. მერაბ შარიქაძე, 11. მირიან მოდებაძე, 10. ლაშა ხმალაძე, 9. ვასილ ლობჟანიძე; 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. კონსტანტინე მიქაუტაძე, 5. გიორგი ნემსაძე, 6. ლაშა ლომიძე, 7. ვიქტორ კოლელიშვილი, 8. ბექა ბიწაძე;
სათ: 16. შალვა მამუკაშვილი, 17. კარლენ ასეიშვილი, 18. სოსო ბეკოშვილი, 19. გიორგი ჩხაიძე, 20. გიორგი თხილაიშვილი, 21. გიორგი ბეგაძე, 22. რეზო ჯინჭველაშვილი, 23. გიორგი კვესელაძე.

1149
მკითხველის კომენტარები / 0 /
მსგავსი ამბები
რუბრიკის სხვა სიახლეები