[VIDEO] ბორჯღალოსნები. პორტუგალიისგან ბოლოს გალიაღა დარჩა - 39:24

საქართველოს მორაგბეთა ნაკრები რაგბი ევროპის ჩემპიონატში პორტუგალიას ეთამაშება. მასპინძლები პორტუგალიელები არიან, თუმცა მატჩი საფრანგეთში მიმდინარეობს.

4' ქართველებმა შეხვედრა ეფექტური ლელოთი დაიწყეს. გვერდითი ხაზიდან მოწოდებული ბურთის შემდეგ მოლი შეკრეს და მახარაშვილმა ლელო გაიტანა. გარდასახვა მათიაშვილმა ზუსტად შეასრულა.

6' კარდოსო პინტუმ ჩვენი მორაგბეებისთვის მტად მოულოდნელად დაცვის ხაზი გაჭრა და ჩათვლის ხაზში შეიჭრა. ზუსტი გარდასახვა და 7:7.

10' გორგაძემ ქართველები კვლავ დააწინაურა - ბურთი მოედნის კიდეზე დაამიწა და გარდასახვა ავაცილეთ. 12:7.

27' პორტუგალიელებმა კიდევ ერთი კარგი მომენტი შემოგვთავაზეს - ბურთი ჩაჭრეს და ანგარიშს 7 ქულა მიამატეს - 14:12 მათ სასარგებლოდ.

34' ქართველებმა ფორმალურ მასპინძლებს პირველი ტაიმი მაინც არ დაანებეს. კაჭარავას ეფექტური ლელო და - 17:14.

მეორე ტაიმის დასაწყისში პორტუგალიელებმა საჯარიმოც გაიტანეს, ლელოც, გარდასახვაც და კიდევ ერთხელ დაწინაურდნენ.

67-ე წუთიდან ქართველებმა მეტოქეს რბევა მოუწყვეს. ჯერ საღინაძემ გაიტანა ლელო, შემდეგ ტაბლაძემ, აფრასიძემ, მათიაშვილმა და საქართველოს ნაკრებმა 39:24 გაიმარჯვა.

3668
მკითხველის კომენტარები / 1 /
მარტიაშვილი
1
სინტერესოა ეს მახარაშვილი და ტაბლაძე რომელიი ნომრებით თამაშობდნენ.
მსგავსი ამბები
რუბრიკის სხვა სიახლეები
;