22:6! რუსები ისევ დავამარცხეთ... რუსი კომენტატორი: სამწუხაროდ, საქართველოს შერკინებას სოლიდური უპირატესობა აქვს... [VIDEO]

კრასნოდარში გაიმართა რაგბი ევროპის ჩემპიონატის მატჩი საქართველოსა და რუსეთს შორის. 

პირველი ტაიმი წვიმასა და დიდ დაძაბულობაში წარიმართა. მეოთხე წუთზე რუსმა კუშნარიოვმა საჯარიმო დაარტყა და აუცდა, სამ წუთში ასევე შორიდან სოსო მათიაშვილმა უჩვენა რუს კოლეგას, როგორ უნდა საჯარიმოს ზუსტად შესრულება 3:0.

32-ე წუთზე იმავე კუშნარიოვმა მაინც მოახერხა ანგარიშის გათანაბრება (საჯარიმო დარტყმით).

ქართველები ბურთს ფლანგებზე სათანადოდ ვერ შლიდნენ, რადგან სველი იყო და მისი ხელში დაფიქსირება ჭირდა. ამიტომ, მილტონ ჰეიგის მითითებით აქცენტი შერკინებაზე გავაკეთეთ.

მეტოქე ძირითადად ჯარიმებით ცდილობდა ჩვენს შეჩერებას ამას ერთვოდა საქართველოს ნაკრების შეცდომები (ისევდაისევ მოედნის სისველის გამო) ბურთი არაერთხელ გადაგვივარდა წინ და ტაიმი ისე მიიწურა, გუნდებმა მხოლოდ ჯარიმებით მოახერხეს ქულების მოგროვება. 

თუმცა პირველი ნახევრის ბოლოს "ბორჯღალოსნები" კარგად მიეძალნენ მასპინძლებს, ლელოსთანაც რამდენჯერმე იყვნენ ახლოს, მაგრამ რუსები წესების დარღვევით გვაჩერებდნენ. სწორედ ამ დროს თქვა რუსმა კომენტატორმა - ქართველებს, შერკინებაში დიდი უპირატესობა აქვთო.

ჰოდა, როგორც წესი და რიგი იყო - მსაჯმა ქართველებს ტექნიკური ლელო ჩაუთვალა და პირველი ტაიმიც 10:3 მოვიგეთ.

მეორე ნახევარში ყველაფერი ლოგიკის იხედვით წარიმართა: როგორც წეი, ძლიერი გუნდები მეორე ოცწუთეულში აღწევენ დიდ უპირატესობას. რუსებმა ჩვენი გუნდის წნეხს ვერ გაუძლეს, შეცდომებს მოუხშირეს და 50-ე წუთზე ლელოც მიიღეს - ცუცქირიძემ გაიტანა.

ამას მოჰყვა მოდებაძის 5 ქულა, მათიაშვილის გადრასახვა და 68-ე წუთზე 22:6 დავწინაურდით.

მატჩი ასეც მორჩა - საქართველოს ნაკრებმა კიდევ ერთხელ დაამარცხა რუსეთი. 1993 წლის შემდეგ რუსებს ჩვენთან მოგება არა აქვთ.

2688
მკითხველის კომენტარები / 1 /
გულშემატკივარი
0
26 წელი დაუმარცხებლად! ეს არის ფაქტიურად სამი თაობა!!
მსგავსი ამბები
რუბრიკის სხვა სიახლეები
;