ბორჯღალოსნები. 0:28 იაპონიასთან. ასე აღარ უნდა ვითამაშოთ!

წარუმატებელი გამოდგა საქართველოს მორაგბეთა ნაკრების სტუმრობა იაპონიაში. ჩვენმა გუნდმა ივნისის მესამე ტესტი მშრალად, 0:28 დათმო.

კარგი იქნებოდა, უმთავრესად ჩვენს ნაკრებზე გველაპარაკა, მაგრამ ამის საშუალებას თამაშის სურათი არ გვაძლევს.

დავიწყოთ იქიდან, რომ საკურებმა დაცვაში მშვენივრად ითამაშეს და ქართველებს თავისი პლუსების გამოყენების საშუალება არ მისცეს. ჩვენი მთავარი პლუსი, მოგეხსენებათ, შერკინებაა. თუმცა, როცა ერთი კომპონენტი დალუქულია, სხვა იარაღი უნდა გამოიყენო. ბორჯღალოსნებს კი ასეთი არ აღმოაჩნდათ. 

არადა, როცა ტოპ-ნაკრებებთან თანაბრად ბრძოლის პრეტენზია გაქვს, მხოლოდ შერკინების იმედად არ უნდა იყო.

არც იაპონია იყო მძიმე არტილერიის იმედად, როცა საჭირო გახდა ფლანგებიდან სწრაფად შეგვიტიეს, საჭიროების შემთხვევაში ცენტრიდან გვაწვებოდნენ და გაცილებით მრავალფეროვანი გუნდის შთაბეჭდილება დატოვა.

შევთანხმდეთ, მეტი ფერადოვნება გვჭირდება. იმაზეც შევთანხმდეთ, რომ ასე აღარ უნდა ვითამაშოთ.

თუმცაღა, ისიც უნდა ითქვას, რომ ბორჯღალოსნებს შესაძლებლობების სრულად გამოვლენაში შეიძლება არაერთმა ფაქტორმა შეუშალა ხელი... ხანგრძლივმა მგზავრობამ... აკლიმატიზაციის პრობლემამ... მწვრთნელის მიერ დაგეგმილმა ექსპერიმენტებმა...

2087
მკითხველის კომენტარები / 0 /
მსგავსი ამბები
რუბრიკის სხვა სიახლეები