ბორჯღალოსნები. პირველ ტაიმში ვიბრძოლეთ ვიჩხუბეთ, მაგრამ მეორეში ფიჯიმ იფრინა

მატჩი პირველიდან ბოლო წუთამდე საინტერესო სანახავი გამოდგა. გთავაზობთ ქრონოლოგიურ მიმოხილვას.

მე-9 წუთი. სოსო მათიაშვილმა საჯარიმო დარტყმით ანგარიში გახსნა - 3:0.

მე-14 წუთი. თუ მანამდე უპირატესობა ქართველებს ჰქონდათ, ემ-14 წუთიდან ფიჯიელებმა სწრაფი იერიშებით ჩვენი მოედნის უპირატესობა გააბათილეს და სენილოლიმ ლელო დადო. გარდასახვა ვერ გამოიყენეს.

მე-17 წუთი. სენილოლი კიდევ ერთხელ გაიჭრა ჩვენი ლელოსკენ და მოედნის კიდეზე დაალელოვა - 10:3 ფიჯიელთა სასარგებლოდ. გარდასახვა ვერც ამჯერად გამოიყენეს.

23-ე წუთი. კვლავ მეტოქის ნახევარზე დავბანაკდით და ქართული ლელო გავიტანეთ - მეტოქე მოლით შევიტანეთ. ლელო გიორგაძეს ჩაეთვალა. მათიაშვილმა გარდასახა და 10:10.

33-ე წუთი. მოედნის კიდესთან ქართველი და ფიჯიელი მორაგბეები შეიბნენ, ორივე გუნდი საჩხუბრად შეიკრა, მაგრამ მალევე დაშოშმინდნენ.

39-ე წუთი. ამჯერად ფიჯიელთა სტილში გავიტანეთ ლელო - ხმალაძემ ბურთი ხელთ მოიგდო და სალალომით მეტოქის ჩათვლის ხაზს მიუახლოვდა, თოდუას გადააწოდა და  მივიღეთ ლამაზი ლელო. გარდასახვა ვერ გამოვიყენეთ და პირველი ტაიმი 15:10 მოვიგეთ.

 49-ე წუთი. მეორე ტაიმი ფიჯისა იყო. მეტოქემ საკუთარი თამაში მოგვახვია თავს და მატჩის განახლებიდან 9 წუთში ვატუბუამ ლელოთი ანგარიში გაათანაბრა. ნასიგანლიავიმ გარდასახა - 17:15.

55-ე წუთი. ნასიგანლიავიმ საჯარიმოზე ბურთი კარგად გაასწორა და 20:15.

62-ე წუთი. გაგვეპარა ფიჯის კიდევ ერთი შეტევა. თუმცა ამჯერად სიტყვა "გაგვეპარა" მთლად არ შეესაბამება - ფიჯიელებმა რამდენიმეწუთიანი შეტევა მძიმე ლელოთი დააგვირგვინეს. ეს ლომანიმ გააკეთა. ნასიგანლიავიმ ზუსტად გარდასახა და მასპინძლები 12 ქულით დაწინაურდნენ - 27:15.

78-ე წუთი. კვლავ ლომანის გარღვევა და ლელო - 32:15.

მე-80 წუთი. რადრადამ დაალელოვა და 37:15. დავმარცხდით.

1494
მკითხველის კომენტარები / 1 /
საქარტველო
0
ფიჯიმ კი არ იფრინა თქვენ გააფრინეთ ბიჭებო, თქვენ თამაშსი ბევრი წუნი აქვს. ასე რომ თამაშს მიხედეთ და მალაღურაძის თხოვნით პოლიტიკაში ცხვირს ნუ ყოფთ ხომ ხედავთ გვნებთ,,,
მსგავსი ამბები
რუბრიკის სხვა სიახლეები
;